ەكولوگيا • 18 قىركۇيەك، 2020

ەكولوگيا ءمينيسترى قازاقستاندىقتاردى سەنبىلىككە شاقىردى

60 رەت كورسەتىلدى

ەلىمىزدىڭ ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ بارشا قازاقستاندىقتى سەنبىلىككە شاقىردى، دەپ حابارلايدى Egemen.kz

"ەل بويىنشا ەرىكتىلەر، بەلسەندىلەر، قوعام وكىلدەرى تابيعي اۋماقتاردى قوقىستان تازارتىپ، اعاش وتىرعىزادى. ءوز اۋلاڭىزدى، اينالاڭىزداعى ساياباقتار مەن سۋ ارنالارىن، تاعى باسقا ورىنداردى تازالاۋ ارقىلى اكتسياعا ءسىز دە ۇلەس قوسا الاسىز"، دەيدى ەكولوگيا ءمينيسترى ءوزىنىڭ Twitter-دەگى جازباسىندا.

ماعزۇم مىرزاعاليەۆتىڭ ايتۋىنشا، جىل سايىن 19 قىركۇيەكتە بۇكىل الەمدە World cleanup Day اكتسياسى وتەدى. ميلليونداعان ادام قوعامدىق ورىنداردى قوقىستان تازارتۋ ءۇشىن سەنبىلىككە شىعادى. بىلتىر شارا 169 ەلدىڭ ازاماتىن بىرىكتىرگەن.

"بارلىق قازاقستاندىقتاردى سەنبى كۇنى وسىناۋ اۋقىمدى شاراعا بەلسەندى قاتىسۋعا شاقىرامىن!"، دەيدى ماعزۇم مىرزاعاليەۆ.

سوڭعى جاڭالىقتار

ۇقساس جاڭالىقتار