اتالعان دەرەكتى فيلمدەر توپتاماسى تۇرىك جانە اعىلشىن تىلىنە اۋدارىلىپ, شەتەلدىك تەلەارنالاردا كورسەتىلمەك.
ۇلتتىق ونەردى ناسيحاتتاۋشى – جىرشى, كۇيشى, بۇركىت, تازى باپتاۋشى, دومبىرا, ەر جاسايتىن ۇستا جانە باسقا دا كەيىپكەرلەر تۋرالى سىر شەرتەتىن تۋىندى ءوڭىردىڭ وڭ ءيميدجىن قالىپتاستىرۋ ماقساتىندا وتكىزىلگەن ءباسپاسوز ءماسليحاتى بارىسىندا تانىستىرىلدى. دەرەكتى فيلمدەردىڭ كەيىپكەرلەرى كەلەستىك جىرشى, تەرمەشى ابىلاي ءبورىحانوۆ پەن وتىرارلىق سۋرەتشى ءادىلحان مالىك حالقىمىزدىڭ سان عاسىرلار بoيى اتادان بالاعا ميراس بولىپ جەتكەن رۋحاني جانە مادەني قۇندىلىقتار تۋرالى ءسوز ءوربىتتى. جوبانىڭ رەجيسسەرى مەيىرجان الياكباروۆتىڭ مالىمدەۋىنشە, قازاق مۋزىكاسىن, مادەنيەتىن, سالت-ءداستۇرىن ناسيحاتتاۋعا باعىتتالعان دۇنيەلەردىڭ ءبىرى, ياعني ۇلى كومپوزيتور ءشامشى قالداياقوۆتىڭ 90 جىلدىق مەرەيتويىنا ارنالىپ, ۆەنگريا, باشقۇرتستان, گەرمانيا, بۋرياتيا, قىرعىزستان, ۋكراينا, رەسەي, ارمەنيا, بولگاريا, قازاقستان ەلدەرى ونەر شەبەرلەرىنىڭ ورىنداۋىنداعى «قۋانىش ءۆالسى» انىنە تۇسىرىلگەن بەينەبايان الەۋمەتتىك جەلىدەگى ەڭ كوپ تارالعان چەللەندج كليپ بولعان.
جيىندا, سونداي-اق, ەلباسىنىڭ «بولاشاققا باعدار: رۋحاني جاڭعىرۋ» ماقالاسىنداعى «تۋعان جەر» باعدارلاماسىنا باعىتتالعان ءوڭىردىڭ تابيعاتى تاماشا مەكەندەرى مەن كيەلى ورىندارعا ساياحاتقا شاقىراتىن «تۋعان ەل» انىنە تۇسىرىلگەن كليپتىڭ تۇساۋى كەسىلدى.
تۇركىستان وبلىسى
