شىمكەنت قالالىق دەنساۋلىق ساقتاۋ باسقارماسىنىڭ مالىمەتىنشە, اعىمداعى جىلدىڭ 7 قىركۇيەگىندە ەگدە جاستاعى ناۋقاس اۋىر جاعدايدا "اسار" شاعىناۋدانىنداعى جۇقپالى اۋرۋلار ورتالىعىنا جەتكىزىلگەن. ناۋقاستىڭ وكپەسىن توموگرافيالىق تەكسەرۋدەن وتكىزگەن دارىگەرلەر, وكپە ءتىنىنىڭ 55%-عا زاقىمدالعانىن جانە سوزىلمالى اسقازان-باۋىر جاراسى بار ەكەنىن انىقتادى.
دارىگەرلەر ناۋقاستى ارنايى بولىمگە جاتقىزىپ, ۆيرۋسقا قارسى تەراپيا جۇرگىزدى. جۇرگىزىلگەن جۇمىستار ناتيجەسىندە دۇيسەبەكوۆا قىزتاي كەسەلدەن قۇلانتازا ايىعىپ, تۋعان كۇنىندە اۋرۋحانادان شىعارىلدى. ناۋقاس بىلىكتى مەديتسينالىق كومەك پەن دۇرىس كۇتىم جاساعانى ءۇشىن دارىگەرلەرگە العىسىن ءبىلدىردى.
"اجەمىز اۋرۋحاناعا تۇسكەن كەزدە جاعدايى وتە ناشار ەدى. ناۋقاسقا ءتيىستى ەم-دوم شارالارىن جۇرگىزۋدىڭ ناتيجەسىندە ونىڭ دەنساۋلىعى كۇن ساناپ جاقسارا ءتۇستى. بۇگىنگى تاڭدا ناۋقاستىڭ جاعدايى بىرقالىپتى", دەيدى دارىگەر ءلاززات تىلەنشينا.
