"قۇرمەتتى فورۋمعا قاتىسۋشىلار! سىزدەردى قازاقستان ماشينا جاساۋشىلارىنىڭ VIII فورۋمىنىڭ اشىلۋىمەن قۇتتىقتايمىن. فورۋم مەملەكەت پەن بيزنەستىڭ جۇيەلى ديالوگىنا, ماشينا جاساۋ سالاسىنىڭ وزەكتى ماسەلەلەرىن شەشۋ ارنالعان الاڭعا اينالدى. بيىل ءىس-شارالاردىڭ كوپشىلىگى ونلاين رەجيمدە وتەدى. وسى فورۋم مەن ونىڭ اياسىندا اشىلعان ماشينا جاساۋ جانە مەتالل وڭدەۋ جونىندەگى ءبىرىنشى حالىقارالىق ونلاين-كورمە دە ەرەكشەلىك ەمەس. پاندەميامەن بايلانىستى كۇردەلى ەكونوميكالىق كەزەڭگە قاراماستان, وتاندىق ماشينا جاساۋ ءىسى ءوسۋ قارقىنىن كورسەتۋدە – بيىل 14%-عا ءوستى. وسى كورسەتكىش بويىنشا ماشينا جاساۋ ەلىمىزدىڭ بارلىق وڭدەۋ سەكتورى بويىنشا جەتەكشى ورىنعا شىقتى. بيىلعى جولداۋىمدا مەن ارتاراپتاندىرىلعان, تەحنولوگيالىق تۇرعىدان دامىعان ەكونوميكا قۇرۋ, وڭدەۋ ونەركاسىبى ءوندىرىسىنىڭ كولەمىن ءبىر جارىم ەسەگە ۇلعايتۋ جونىندە مىندەتتەر قويدىم. بۇل ءۇشىن مەملەكەت وتاندىق وندىرۋشىلەردى قولداۋ تەتىكتەرىن جەتىلدىرەدى, ونەركاسىپتىك ساياسات تۋرالى زاڭ قابىلدانادى. قازىرگى زامان بولمىسىندا قازاقستاننىڭ ماشينا جاساۋ سالاسى قارقىندى دامۋىن جالعاستىراتىنىنا سەنىمدىمىن. سالانىڭ ءوندىرىستى كەڭەيتۋ جانە ەكسپورتتى ۇلعايتۋ ءۇشىن ەلەۋلى الەۋەتى بار. بارشاڭىزعا جەمىستى قىزمەت جانە العا قويعان ماقساتتارعا جەتۋدە تابىس تىلەيمىن", دەلىنگەن مەملەكەت باسشىسىنىڭ قۇتتىقتاۋ حاتىندا.
