ساياسات • 16 قىركۇيەك، 2020

بەيبىت اتامقۇلوۆ وزبەكستاننىڭ قازاقستانداعى ەلشىسىمەن كەزدەستى

24 رەت كورسەتىلدى

يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ وزبەكستان رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى سايديكرام نيازحودجاەۆپەن كەزدەستى، دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.

ەلشى كوروناۆيرۋس پاندەمياسى كەزىندە وزبەكستان ازاماتتارىنىڭ ەلىنە ورالۋىنا جاعداي جاساعان قازاقستان ۇكىمەتىنە العىسىن ءبىلدىردى. ول سونداي-اق ەكى ەل اراسىندا جۇك اينالىمى ءترانزيتى ارتىپ كەلە جاتقانىن اتاپ كورسەتتى. وتكەن جىلى تاۋار اينالىمى 3،3 ملرد. اقش دوللارىن قۇرادى. قازاقستاننىڭ تەمىر جولىمەن تاسىمالدانعان جۇك ءترانزيتى كولەمى 9 ملن. تونناعا جەتتى. 2020 جىلدىڭ 7 ايىندا قازاقستان مەن وزبەكستان اراسىندا ەكسپورتتىق-يمپورتتىق جۇك تاسىمالى كولەمى 5 ملن. تونناعا جەتىپ، 2019 جىلدىڭ ءتيىستى كەزەڭىمەن سالىستىرعاندا 648،32 مىڭ تونناعا ارتتى.      

ەپيدەميولوگيالىق احۋال جاقسارعان جاعدايدا تاشكەنت – الماتى باعىتىنداعى اۋە رەيستەرىنىڭ جيىلىگىن ارتتىرۋ جانە تاشكەنت – نۇر-سۇلتان باعىتىندا اۋە رەيسىن اشۋ جايى قاراستىرىلدى. سونداي-اق تۇركىستان – ساماركاند، تاراز – نۇكىس جانە اقتاۋ  – ۇرگەنىش باعىتتارىندا اۋە رەيستەرىن اشۋ ماسەلەسى تالقىلاندى. ول رەيستەردى قازاقستاندىق اۋە كومپانيالارى ورىندايدى دەپ جوسپارلانىپ وتىر.   

قازاقستان اۋماعى ارقىلى وزبەكستان مەن رەسەي اراسىندا تەمىر جول قاتىناسىن اشۋ ماسەلەسى دە قوزعالدى. قورىتىندى شەشىمدى ۆەدومستۆوارالىق كوميسسياسى ەپيدەميالىق احۋالدى ەسەپكە الا وتىرىپ قابىلدايدى.   

وعان قوسا، ماشينا جاساۋ سالاسىنداعى ىنتىماقتاستىق جانە كووپەراتسيا جايى قاراستىرىلىپ، قازاقستاننىڭ دارىلىك زاتتارى مەن پرەپاراتتارىن وزبەكستانعا جەتكىزۋ مۇمكىندىكتەرى تالقىلاندى.  

سوڭعى جاڭالىقتار

ۇقساس جاڭالىقتار