ء"بىز كۇيدى ورىنداماس بۇرىن, ونىڭ قالاي جارىققا شىققانىن, سول تۋىندىنىڭ اۆتورى كىم ەكەندىگىن ايتىپ بەرۋىمىز كەرەك. وكىنىشكە قاراي, ساحنادا, تەلەارنالار مەن راديولاردا وسى قاعيدالار ساقتالماي جاتادى. كوپتەگەن ءانشى ەسكى اندەردى بۇرمالايتىندىقتان, مۇنداي جاڭالىقتارعا تىيىم سالۋ قاجەت", دەدى ا.تاسبولاتوۆ مادەنيەت ماسەلەلەرى جونىندەگى زاڭ جوباسىن تالقىلاۋ كەزىندە.
ەسكە سالا كەتەيىك, بۇگىن ماجىلىستە مادەنيەت ماسەلەلەرى بويىنشا كەيبىر زاڭنامالىق تۇزەتۋلەردى ماقۇلدادى. زاڭ جوباسىنداعى جاڭاشىلدىقتىڭ ءبىرى مادەني ءىس-شارالاردى ۇيىمداستىرۋشىلاردىڭ مۋزىكالىق شىعارمالاردى ورىنداۋشىلاردىڭ فونوگراممانى قولدانۋى تۋرالى الدىن الا كورەرمەندەرگە حابارلاۋى ءتيىس.
