پاندەميا ىرعاقتى ءومىردىڭ ءجۇرىسىن وزگەرتۋگە ماجبۇرلەدى. الەمگە ءامىرىن جۇرگىزگەن ىندەتتىڭ قيىندىعىنا قاراماستان كارانتين كەزىندە دە, ورتالىقتا ناۋرىز بەن تامىز ايلارى ارالىعىندا 1190 ناۋقاسقا نەيروحيرۋرگيالىق كومەك كورسەتىلدى. قيىن كۇندەردە قانشاما جانعا تەلەمەديتسيناعا سۇيەنىپ جاردەم بەرىلدى. ءبىر عانا مىسال. تۇركىستان وبلىستىق كلينيكالىق اۋرۋحاناسىنا باس سۇيەگى مەن ميىنا اۋىر زاقىم كەلگەن پاتسيەنت كەلىپ تۇسەدى. كەلەسى كۇنى وبلىستاعى ارىپتەستەر ۇلتتىق ورتالىققا حابارلاستى. جاعدايدى ەجىكتەپ سۇراپ, تالدامالارمەن تانىسقان ورتالىق ماماندارى پاتسيەنتكە قاتىستى ءارى قارايعى ەمدەۋ تاكتيكاسىن تۇزەدى. جەدەل مرت ءتۇسىرىلىپ, ودان سوڭ اۋرۋعا وپەراتسيانى قالاي جۇرگىزۋ كەرەكتىگىن انىقتاۋ قاجەتتىگى ايتىلدى. بۇل پاندەميانىڭ ءبىزدىڭ ەلىمىزگە دە تىرناعىن قاتتى باتىرىپ تۇرعان كەزى بولاتىن.
بۇگىندە ستاتسيونارداعى پاتسيەنتتەر ەمدى تولىق كولەمدە الىپ جاتىر, ال امبۋلاتورلىق پاتسيەنتتەر ءۇشىن مەديتسينالىق قىزمەتتەر بارلىق سانيتارلىق-ەپيدەميالىق نورمالاردى ساقتاي وتىرا, كەزەڭ-كەزەڭىمەن جاندانۋ ۇستىندە. نەيروحيرۋرگ, نەۆرولوگ (ەرەسەكتەر جانە بالالار) قابىلداۋلارىنا قارالۋشىلار الدىن الا جازىلۋ ارقىلى كەلۋى ءتيىس, دەيدى ورتالىقتىڭ جاۋاپتى قىزمەتكەرلەرى.
ىندەت قىسپاعى ادامداردىڭ اياقتارىن دا تۇساپ تاستادى. جۇمىسى توقتاپ, قارجىدان قىسىلىپ, نۇر-سۇلتان قالاسىنا كەلىپ قارالا المايتىن جانداردىڭ دا بارلىعى ايان. سول جاعدايدى جانە وزگە دە قاجەتتىلىكتى ەسكەرگەن ورتالىق سىرتتاي̆ كونسۋلتاتسيالاردى ونلاي̆ن جانە ەلەكتروندى فورماتتا جۇزەگە اسىرادى. ول ءۇشىن پاتسيەنت شاعىمدارىن, اۋىرۋ تاريحىن, پاتسيەنتتىڭ جاي̆-كۇي̆ىن نەمەسە مەديتسينالىق كوشىرمەنى, سونداي̆-اق كت, مرت ناتيجەلەرىن كورسەتكەن مالىمەتتەردى neuro_omo@mail.ru مەكەنجاي̆لارىنا قىسقاشا حات تۇرىندە جىبەرۋ قاجەت. ال ديسكىدەگى كت نەمەسە مرت سۋرەتتەرى كەرەك بولعاندا, بارلىق فاي̆لداردى ديسكىدەن كومپيۋتەرگە كوشىرىپ, ديسك فاي̆لدارىن RAR نەمەسە ZIP فورماتىندا ارحيۆتەپ, حاتقا فاي̆لدى نەمەسە فاي̆لدى جۇكتەۋ سىلتەمەسىن قوسا تىركەپ, جوعارىدا كورسەتىلگەن ەلەكتروندى پوشتا مەكەنجاي̆لارىنا جىبەرۋ كەرەك. ال پلەنكادا كت نەمەسە مرت سۋرەتتەرىن جىبەرۋ قاجەت بولعان جاعداي̆دا تەلەفون كامەراسىنا نەمەسە فوتواپپاراتقا جارىق فوندا ءتۇسىرىپ (پلەنكانى تەرەزەگە سالىپ تۇسىرۋگە بولادى) بارلىق فاي̆لداردى مۇمكىندىگىنشە jpeg فورماتىندا ساقتاپ, ءبىر قالتاعا جيناپ, فاي̆لداردى نەمەسە فاي̆ل سىلتەمەسىن قوسىپ, ەلەكتروندى پوشتا مەكەنجاي̆لارىنا جىبەرۋ كەرەك.
بۇعان قوسا ۇلتتىق نەيروحيرۋرگيا ورتالىعى ەمدەۋگە جاتقىزۋ بيۋروسى پورتالى ارقىلى نەيروحيرۋرگيالىق پاتولوگياسى بار ەرەسەك پاتسيەنتتەر مەن بالالاردى ەمدەيدى. بۇل ءۇشىن پاتسيەنتتە جرۆي بەلگىلەرىنىڭ بولماۋى (مۇرىننان سۋ كەتۋ, جوتەل, دەنە قىزۋىنىڭ كوتەرىلۋى), كونسۋلتاتسيالىق قورىتىندىدا كورسەتىلگەن تىزبەگە سايكەس زەرتحانالىق جانە اسپاپتىق تەكسەرۋ ادىستەرىنىڭ ناتيجەلەرى قاجەت. سونىمەن قاتار COVID-19 تەستىنىڭ پتر ناتيجەلەرى مىندەتتەلگەن. ال ونىڭ مەرزىمى تالداۋ جۇرگىزىلگەن ساتتەن باستاپ 5 كۇننەن اسپاۋى كەرەك. بۇدان باسقا, كونسۋلتاتسيالىق قورىتىندىدا كورسەتىلگەن تىزبەگە سايكەس زەرتتەۋلەردىڭ زەرتحانالىق جانە اسپاپتىق ادىستەرىنىڭ (ايتۆ-عا قان تالداۋى, ۆ جانە س گەپاتيتتەرى, فليۋوروگرافيا جانە ت.ب.) قورىتىندىلارى قاجەت. ءبىر ەسكەرەتىن دۇنيە, ولاردىڭ تاپسىرىلۋ مەرزىمدەرىنە نازار اۋدارۋ كەرەك, دەيدى نەيروحيرۋرگيا سالاسىندا جوعارى بىلىكتى كومەك بەرەتىن ورتالىق.
ىندەت مەديتسينالىق كومەك بەرۋ سالاسىنا ءوزىنىڭ بۇيرىعىن, ءامىرىن جۇرگىزدى. كوپتەگەن مەديتسينا مەكەمەلەرى قايتا جابدىقتالىپ, كۆي-مەن كۇرەسەتىن پروۆيزورلىق ورتالىقتارعا اينالدى. وسىنداي كۇردەلى كەزەڭدە ورتالىقتاعى وتاندىق نەيروحيرۋرگتار ايماقتارداعى ارىپتەستەرىنە قازىرگى زامانعى تەحنولوگيالاردىڭ كومەگىنە جۇگىنە وتىرا بىلگەنىمەن ءبولىسىپ, قولۇشىن سوزۋعا ءازىر. بۇل رەتتە تەلەمەديتسينانىڭ مۇمكىندىگىن پايدالانىپ, جەر-جەردەگى ارىپتەستەرگە نەيروحيرۋرگيا بويىنشا اۋىر ناۋقاستاردى ايىقتىرۋ, قاتارعا قوسۋ جايىندا كەڭەستەر بەرۋگە ءازىرمىز, دەيدى ورتالىق قىزمەتكەرلەرى.
