قوعام • 16 قىركۇيەك، 2020

ەكىنشى تولقىنعا دايارلانىپ جاتىر

49 رەت كورسەتىلدى

كۇز بەن قىس مەزگىلدەرىندە كوروناۆيرۋس ينفەكتسياسىنىڭ قوزۋى بايقالعان جاعدايدا قيىندىقتاردىڭ الدىن الۋ ءۇشىن ەلورداداعى ەمدەۋ مەكەمەلەرىن جابدىقتاۋ مەن وزگە دە قاجەتتى ازىرلىك جۇمىستارى جۇرگىزىلىپ جاتىر.

قالاداعى مەديتسينالىق ۇيىمدار كوروناۆيرۋس پەن پنەۆمونيانى ەمدەۋگە قاجەت قوسىمشا جابدىقتارمەن قامتاماسىز ەتىلدى. بۇگىندە ەل استانا­سىنداعى ەپيدەميالىق جاعداي تۇراق­تى. نۇر-سۇلتان قالاسى اكىمى ءباسپاسوز قىزمەتىنىڭ حابارلاۋىنشا، قوعامدىق دەن­ساۋلىق ساقتاۋ باسقارماسى كۇز بەن قىسقى كەزەڭدە COVID-19-دىڭ الدىن الۋ جانە ەمدەۋ بويىنشا ءىس-شارالار جوسپارىن دايىنداپ بەكىتتى.

وتكەن جاز ايلارىندا ۆيرۋس جۇق­تىر­عان ادامدار ءنوپىرى كوبەيگەندە مەديتسينا ۇيىمدارى الدىنان شىققان پروب­لەمالاردى شەشۋ ءۇشىن بۇل كۇندە 50-دەن استام جاساندى تىنىس الۋ اپپاراتى، 2 كومپيۋتەرلىك توموگراف، وكپەنىڭ زاقىمدانۋ پايىزىن كورۋگە مۇمكىندىك بەرەتىن 7 ساندىق رەنتگەن جۇيەسى، 3 وتتەگى رەزەرۆۋارى قوسىم­شا ساتىپ الىندى. سونىمەن قاتار قا­لا­نىڭ ەمدەۋ مەكەمەلەرىنە 500-دەن اس­تام وتتەگى كونتسەنتراتورى، 250-گە جۋىق جاساندى جەلدەتۋ تىنىس الۋ اپ­پاراتى، 300-گە جۋىق فلوۋمەتر، 500 كوپ­فۋنكتسيونالدى ارنايى كەرەۋەت جەتكىزىل­گەن.

قالا اكىمىنىڭ ورىنباسارى باق­تيار ماكەن بىرقاتار مەديتسينالىق ۇيىمداردى ارالاپ، كۇز جانە قىس ايلارىندا ماۋسىمدىق اۋرۋلار – جرۆي مەن تۇماۋدىڭ كوبەيۋىن ەستەن شىعارماۋى قاجەتتىگىن ايتىپ، مەكە­مەلەردىڭ COVID-19 ىندەتىنە دايىندىعىن تەكسەردى.

«دەمالىس كۇندەرى كارانتين شارالارىن ەنگىزۋ ارقىلى قالادا COVID-19-عا قاتىستى احۋال تۇراق­تالدى. مەديتسينا مەكەمەلەرى مەن قىزمەت­كەرلەرگە اۋىرتپالىق تۇسپەۋى ءۇشىن قاتاڭ سانيتارلىق نورمالاردى ساقتاۋدى جالعاستىرۋ قاجەت. كوروناۆيرۋسپەن كۇرەسكە دايىندىق توقتامايدى. 110 تون­نادان استام ءدارى-دارمەك ساتىپ الىنىپ، مەكەمەلەر مەديتسينالىق جابدىقتارمەن قامتاماسىز ەتىلۋدە. كۇزدە ءورشيتىن جرۆي ىندەتىمەن بىرگە كورو­ناۆيرۋسقا قاتىستى احۋال دا كۇردەلەنۋى مۇمكىن. وعان ءبىزدىڭ بارلىق مەديتسينا ۇيىمدارى دايىن. جاقىندا مەديتسينالىق جابدىقتاردان باسقا جىلجىمالى فليۋوروگرافيالىق كەشەندەر، ساندىق رەنتگەن جۇيەلەرى جانە جوعارى دالدىكتەگى جەلدەتكىشتەر دە كەلەدى. مىسالى، بۇگىندە ستاتسيونارلاردى وكپەنى جاساندى جەلدەتۋ اپپاراتىمەن قامتاماسىز ەتۋ شامامەن 94 پايىزدى قۇرايدى»، دەدى ب.ماكەن.

سونداي-اق ول قالا اكىمدىگىنىڭ جەكە جانە رەسپۋبليكالىق كلينيكالاردىڭ كومپيۋتەرلىك توموگرافيا اپپاراتتارىن ەلوردا ەمحانالارى مەن ستاتسيونارلارىنا بەكىتۋ تۋرالى كەلىسىمگە قول قويعانىن اتاپ ءوتتى. قازىر كومپيۋتەرلىك توموگرافتاردىڭ جالپى سانى – 19. قاجەت بولسا، قالانىڭ بارلىق 17 ستاتسيونارى قايتا اشىلىپ، ينفەكتسيامەن كۇرەسكە جۇمىلدىرىلماق.

قالادا 5 مەديتسينالىق مەكەمەنىڭ اياسىندا 1645 كەرەۋەت جاساقتالىپ، وعان قوسا ەلورداداعى كوپبەيىندى كلينيكالار جەدەل جانە جوسپارلى تۇردە پاتسيەنتتەرگە كومەگىن جال­­عاس­تىرا بەرمەك. بۇل العاشقى كە­زەڭدە اتقارىلاتىن جۇمىس بولسا، ەكىن­شى كەزەڭدە قوسىمشا 1500 كەرەۋەت رەسپۋبليكالىق دارەجەدەگى اۋرۋ­حانا­لاردىڭ قاتىسۋىمەن جۇر­گىزىل­ەدى. ال ءۇشىنشى كەزەڭدە، تەك قالاداعى ەمدەۋ ورىن­دارىندا عانا ەمەس، قوناقۇيلەر كەشەندەرى، جاتاقحانالار دا ۆيرۋسپەن كۇرەسەتىن ستاتسيونارلارعا اينالادى.

قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا: «مۇن­داي شارالار قوسىمشا 5600 ينفەكتسيالىق كەرەۋەتتەر جاساقتاۋعا، ونىڭ ىشىندە 465 (رەانيماتسيا) جان ساقتاۋ ورنىن اشۋعا مۇمكىندىك جاسايدى»، دەي كەلە، قالا تۇرعىندارى ءۇشىن ەڭ باستىسى، سانيتارلىق نورمالاردى قاتاڭ ۇستانۋ ءوزىڭدى دە، جاقىندارىڭدى دا اۋرۋدان ساقتاۋدىڭ جولى ەكەنىن قاداپ ايتتى.

سونىمەن ەلورداداعى ەمدەۋ ورىن­دارى دايىندىقسىز ەمەس. العاش­قى مەديتسينالىق-سانيتارلىق كو­مەك ۇيىمدارىنىڭ دەڭگەيىندە COVID-19 سيمپتومسىز جانە اۋرۋى­ جەڭىل بولىپ كەلەتىن، سونداي-اق ىندەت جۇقتىرعاندارمەن بايلانىسقا تۇسكەن ناۋقاس­تاردى قاشىقتىقتان باسقارۋ بويىنشا جۇمىس ۇيىمداستىرۋ كوزدەلىپ، وعان قوسىمشا كۆي جانە پنەۆمونياعا شالدىققان ناۋقاستارعا ءۇي جاعدايىندا اۋرۋحانالار ازىرلەۋ، سونداي-اق ولارعا اقىسىز ءدارى-دارمەك­تەر بەرۋ دە قاراستىرىلعان ەكەن.

«قالانىڭ بارلىق ەمحاناسىندا ءموبيلدى توپتار پاتسيەنتتەرگە ۇيگە بارۋ ارقىلى قىزمەت كورسەتەدى. ىندەتكە كۇدىكتى ناۋقاستاردان كوروناۆيرۋستىق ينفەكتسياعا ۇيدەن پتر تەست الۋ دا قاراستىرىلعان. ولاردىڭ سانى 207-ءنى قۇرايدى»، دەيدى ءا.رۇستەموۆا.

سونداي-اق قالالىق ەمحانالاردا الەۋ­مەتتىك اراقاشىقتىقتى ەسكەرە وتىرىپ پاتسيەنتتەر ءۇشىن كۇتۋ بول­مەلەرى، رەسپيراتورلى اۋرۋلارى بار ناۋقاستاردى قابىلداۋ ءۇشىن فيلتر كابينەتتەرىنىڭ جۇمىس ىستەۋى دە قاراستىرىلىپ وتىر. ال اۋرۋعا شال­دىعۋ ىقتيمالدىعى جوعارى، قاۋىپتى توپ­تاعى پاتسيەنتتەردى (گيپەرتونيا، قانت ديابەتى، كورونارلىق ارتەريا اۋرۋى، دەمىكپە جانە باسقالارى) تۇراقتى تۇردە باقىلاۋ ءموبيلدى توپتاردى تارتۋ ارقىلى جالعاسادى. ناۋقاستاردى جوس­پارلى تۇردە قابىلداۋ مىندەتتى تۇردە الدىن الا جازىلۋ ارقىلى جۇرگىزىلەدى.

 

سوڭعى جاڭالىقتار

ۇقساس جاڭالىقتار