تەحنولوگيا • 16 قىركۇيەك، 2020

Digital ترانسفورماتسيا: قاجەتتىلىك پە، ترەند پە؟

109 رەت كورسەتىلدى

يننوۆاتسيالىق دامۋ كەز-كەلگەن اۋقىمداعى كومپانيالار مەن ۇيىمدار ءۇشىن ماڭىزدى. نارىقتى جارىپ شىققان تەحنولوگيالاردىڭ پايدا بولۋى، تسيفرلانداندىرۋ جانە ونىمدەردىڭ جەدەل تسيكلدارى سياقتى عالامدىق تەندەنتسيالار كوپتەگەن سالالاردا تۇبەگەيلى وزگەرىستەر تۋدىرۋدا. وسىعان وراي، باعا وزگەرۋى، تيىمدىلىكتىڭ وزگەرۋى، جاڭا ويىنشىلاردىڭ پايدا بولۋى – بۇل سالالارداعى كۇشتەر تەپە-تەڭدىگىن تۇبەگەيلى وزگەرتەدى، جاڭا يدەيالار مەن تىڭ جۇمىستاردى ەنگىزۋدى ەداۋىر جەدەلدەتەدى.

بۇگىنگى تاڭدا ءبىز digital ترانسفورماتسيا تۋرالى كوبىرەك ەستيمىز (نەمەسە تسيفرلىق ترانسفورماتسيا)، بىراق ونىڭ نە ەكەنىن جانە قالاي پايدالانۋ كەرەكتىگىن ادامداردىڭ كوپشىلىگى بىلە بەرمەيدى. انىقتاۋعا تىرىساتىن بولساق، Digital ترانسفورماتسيا – بۇل ساتىپ الۋلاردى اۆتوماتتاندىرۋدان باستاپ ماركەتينگ پەن ساتۋعا دەيىنگى كاسىپورىن فۋنكتسيالارىنىڭ بۇكىل جيىنتىعىنا اسەر ەتەتىن كەڭ اۋقىمدى ترانسفورماتسيا. بۇل تسيفر­لى تەحنولوگيالارعا نەگىزدەلگەن جانە تۇتىنۋشىلاردىڭ سۇرانىسىنىڭ وزگەرۋى، تەحنولوگيانىڭ دامۋى جانە باسەكەلەستىكتىڭ كۇشەيۋى سەكىلدى ءۇش نەگىزگى درايۆەرلەردىڭ اسەرىنەن جۇرەدى. كاسىپورىننىڭ جۇمىس مودەلىنىڭ دە، ينفراقۇرىلىمىنىڭ دا وزگەرۋىنە تىكەلەي اسەر ەتەدى. بۇگىنگى كۇنى سان­دىق تەحنولوگيالاردىڭ ىقپالىنا تۇسپەيتىن بىردە-ءبىر كومپانيا قالعان جوق. ترانزاكتسيالاردىڭ كوپ بولىگى ونلاين رەجىمدە جۇزەگە اسىرىلادى: نەسيە الۋعا ءوتىنىش بەرۋ، ينتەرنەت-دۇكەننەن تاۋار ساتىپ الۋ، زاڭگەردەن كەڭەس الۋ نەمەسە ەسەپشوتتاعى دەرەكتەردى قاراۋ. 2020 جىلعى Covid-19-عا قارسى توتەنشە جاع­داي كەزەڭى بۇل ارناعا سەرپىن بەرگەندەي بولدى.

Digital ترانسفورماتسيا تۋرالى ەندى ايتىلا باستاعانىمەن، ول ءبىزدىڭ اينالامىزدا كوپ ۋاقىتتان بەرى ىسكە اسۋدا. ترانسفورماتسيانىڭ مىسالدارىنا كەلەر بولساق: گازەت ورنىن الەۋمەتتىك جەلى، قاعاز كىتاپتار ورنىن eBooks، ءداستۇرلى دۇكەن ورنىن ونلاين دۇكەن، تاكسي ديسپەتچەرى ورنىن Uber، كاسساداعى ۇزاق كەزەك ورنىن ونلاين بيلەتتەر باسقانىن اي­تامىز. 10 جىل بۇرىن بارلىعى ءوز كام­پانيالارى ءۇشىن ۆەب سايتتار قالاپ، ولاردى بەلسەندى تۇردە دامى­تىپ وتىردى. سودان كەيىن سايتتار كە­زەڭىنەن بارلىعى جارنامالىق كام­پانيالارعا كوشتى – جارقىن لوگو مەن شىعارماشىلىق. قازىر بارلىعى ينتەرنەت-تەحنولوگيالاردى قولدانا وتىرىپ، بيزنەستى جاڭارتقىسى، جاڭا قىزمەت تۇرلەرىن ۇسىنعىسى كەلەدى.

Digital ترانسفورماتسيانىڭ قانداي نىساندارى بار ەكەنىن قاراستىرايىق. حالىقارالىق عىلىمي-پراكتيكالىق كونفەرەنتسيا ماتەريالدارىنا سۇيەنەر بولساق، Digital ترانسفورماتسيا ءۇش نىسانعا ءبولىنىپ قاراستىرىلادى.

ادامدار: تۇتىنۋشىلار بىرلەسىپ جۇمىس ىستەۋ نەمەسە ماقساتتار مەن مىن­دەتتەرگە جەتۋ ءۇشىن تەحنولوگيالاردى كوبىرەك قولدانا باستادى. مىسالى، ءونىم جاساپ شىعارۋ، كراۋدفاندينگ ارقىلى جوبالارعا قاراجات جيناۋ، الەۋمەتتىك جەلىلەردى، بلوگتاردى، فورۋمداردى جانە باسقالارىن پايدالانا وتىرىپ ەرىكتى تۇردە وزدەرىنە كەرەك مامانداردى تابۋ.

پروتسەستەر: باسقارۋ مودەلىنىڭ تيىم­دىلىگىن ساپالى ارتتىرا الاتىن جاڭا تەحنولوگيالىق قۇرالدارعا كوشۋ جۇرۋدە. بۇعان بۇلتتى قويمانى جانە قوسىمشالاردى پايدالانۋ، جاساندى ينتەللەكت ەنگىزۋ جانە باسقالارى جاتادى.

ونىمدەر – ءساتتى digital ترانسفور­ماتسيانىڭ ناتيجەسى بولىپ تابىلا­تىن جاڭا ونىمدەر پايدا بولۋدا. مى­سالى، كەڭەيتىلگەن ۆيرتۋالدى شىن­دىق، 3D-پرينتەرلەر، اشىق كودى بار ونىمدەر جانە ت.ب.

بيزنەس-پروتسەسسى ءداستۇرلى قالپى­نان وزگەرمەيدى. ادامدار ءالى دە قوناق­ۇيلەردە تۇرادى، كيىم ساتىپ الادى، تەك تاسىلدەرى وزگەردى: ونلاين برونداۋ، ونلاين تاپسىرىس بەرۋ.

Digital ترانسفورماتسيا نارىق ءۇشىن قاجەتتىلىك پە، ترەند پە؟ – دەگەن سۇراققا Softline كومپانياسىنىڭ دامىتۋ بويىن­شا ديرەكتورى «بارلىق جاڭا تەحنولوگيالار: بۇلتتى جانە ءموبيلدى تەحنولوگيالار، ۇلكەن مالىمەتتەر، زاتتار ينتەرنەتى، ىنتىماقتاستىق تەحنو­لوگيا­لارى، الەۋمەتتىك جەلىلەر، چاتتار، جاساندى ينتەللەكت، توزۋعا بولاتىن قۇرىلعىلار، دروندار 3D باسىپ شىعارۋ، وزدىگىنەن باسقارىلاتىن ماشينالار قاجەتتىلىك ءۇشىن تۋعان تەحنولوگيا تۇرلەرى. ەگەر مىسال رەتىندە الساق – قازىر ورمان ورتتەرىن قالاي باقىلاپ وتىرعانىمىزدى كورەيىك. ءتىپتى مۇنىڭ بىرنەشە جولى بار: كامەرالار مەن ءتۇتىن دەتەكتورلارى، بەرىلگەن اۋماقتى اينالىپ ۇشاتىن دروندار نەمەسە 3D باسىپ شىعارۋ: ەندى زاۋىتتا پليتالار نەمەسە كىرپىشتەر شىعۋىن كۇتۋدىڭ قاجەتى جوق، جاي ونەركاسىپتىك 3D پرينتەرىن پايدالانىپ، عيماراتتى باسىپ شىعارادى. مۇنداي ەكسپەريمەنتتەر قازىردىڭ وزىندە جۇرگىزىلۋدە. دەگەنمەن تەحنولوگيا ءالى دە ءوسۋى كەرەك – ازىرگە ونىڭ كو­مە­گىمەن تەك شاعىن عيماراتتار سالۋعا بو­لادى»، دەدى.

الداعى 5 جىلداعى ساندىق ترانسفورماتسيا بيزنەستى جۇرگىزۋدىڭ ءتيىمدى كومپونەنتى بولۋعا ۋادە بەرەدى. ول ترانسفورماتسيا ءساتتى ءوتۋى ءۇشىن digital ترانسفورماتسيانىڭ كەلەسى ەرەجەلەرىن ساقتاۋ كەرەك:

1. تەز بەيىمدەلۋ

ءبىز سەنىمدى بولا الاتىن ءبىر جايت – تەحنولوگيانىڭ ودان ءارى وزگەرۋى مەن ءوسۋى. سوندىقتان ەگەر جەتىستىككە جەت­كىڭىز كەلسە، سىزگە نارىقتىڭ قاجەتتى­لىكتەرىنە تەز بەيىمدەلىپ، digital تەحنو­لو­گيالاردى ءوز كومپانياڭىزدىڭ بولا­شاعى ءۇشىن بەلسەندى قولدانۋىڭىز قاجەت. Digital ترانسفورماتسيا – بۇل برەند­تىڭ تەحنولوگياسى مەن كورپو­راتيۆتى مادەنيەتىنىڭ سيمبيوزى ەكەنىن ۇمىتپاڭىز.

 

2. تۇتىنۋشى ءبىرىنشى ورىندا

تۇتىنۋشىنىڭ تاجىريبەسى كەز-كەلگەن digital ترانسفورماتسيانىڭ ماق­ساتى بولىپ تابىلادى. بۇگىنگى كۇننىڭ تۇتىنۋشىلارى وتە تالاپشىل جانە ولار وزدەرىنىڭ قاجەتتىلىكتەرى مەن يدەال­دارىنا سايكەس كەلمەيتىن برەندتەرمەن جۇمىس ىستەۋدى توقتاتادى.

بۇگىنگى تاڭدا كليەنتتەر ءۇشىن ءسىزدىڭ برەندىڭىزبەن ولار ءۇشىن ىڭعايلى كەز كەلگەن ۋاقىتتا قارىم-قاتىناس جا­ساۋ مۇمكىندىگى وتە ماڭىزدى جانە بۇل ءوزارا ارەكەتتەسۋ پروتسەسى پايدالانۋ­شىلار ءۇشىن جاعىمدى بولۋى كەرەك. اناليتيكا كومەگىمەن ءسىز ءوزىڭىزدىڭ كليەنتتەرىڭىزدىڭ كىم ەكەنىن، نەمەن اينالىساتىنىن، قانداي دۇنيەلەرگە ءمان بەرەتىنىن انىقتاي الاسىز جانە ولاردىڭ ءسىزدىڭ برەندپەن ءوزارا ارەكەتتەسۋىن وڭتايلاندىراسىز.

 

3. يننوۆاتسيالىق ارەكەتتەر

ءسىز باسەكەگە قابىلەتتى بولعىڭىز كەلە مە؟ بۇل ءسىز قولدانۋدى جوس­پار­لاپ وتىر­عان بارلىق جاڭا تەحنولو­گيالار مۇمكىندىگىنشە تەزىرەك زەرت­تەلىپ، ەنگىزىلۋى كەرەك دەگەندى بىل­دىرەدى. ءسىزدىڭ كومپانيا يدەيا­دان ىس­كە اسىرۋعا نەعۇرلىم تەز جۇرسە، ءسىز ءوزىڭىز ءۇشىن نارىقتى رەتتەۋ ءۇشىن سوعۇرلىم كوپ مۇمكىندىك الاسىز. بىر­نەشە جىل بۇرىن بانكتەر ءار­تۇرلى جاعدايلاردا كليەنتتەرگە كو­مەكتەسەتىن كەڭەس بەرۋشىلەرمەن تولى بولعان ەدى. قازىر بانكتەر «ۆيرتۋالدى كومەكشىلەردى» بەل­سەندى تۇردە ەنگىزۋدە – كليەنتتەردىڭ سۇراقتارىنا جاۋاپ بەرەتىن بوتتار. بۇل باي­لانىس ورتالىعى قىزمەتكەرلەرىنىڭ سانىن مىڭ كونسۋلتانتتان جۇزگە دەيىن قىس­­قارتادى. وسىنداي قىزمەتتەردى قۇرۋ ۇلكەن قۇرىلىمدار ءۇشىن وتە ۇل­كەن الە­ۋەت­تى كوتەرەدى جانە قىزمەت­كەر­لەر­دىڭ جا­لا­قىسىنان قارجى ۇنەم­دەيدى. مۇنداي ين­ۆەستيتسيالار قار­جىلىق جاعىنان دا، ۋا­قىت شىعىندارى جاعىنان دا ءوزىن اقتايدى.

Digital ترانسفورماتسيا فورمۋلالىق ءونىم نەمەسە بارىنە بىردەي ەرەجەلەر جيىن­­تىعى ەمەس. بۇل برەندتىڭ جەكە ەرەك­شەلىكتەرىن ەسكەرە وتىرىپ قۇ­رىلعان بيزنەسكە جاڭا كوزقاراس. ن­ارىق­تاعى باسەكەگە قابىلەتتىلىك كوم­پا­نيا­لاردىڭ قانشالىقتى يكەمدى جانە وزگەرۋگە دايىن ەكەندىگىنە بايلانىستى.

Digital ترانسفورماتسيا قوعامنىڭ بارلىق سالاسىنىڭ الدىندا تۇرعان قا­جەت­تىلىك. سول سەبەپتى، الداعى ۋا­قىت­­تا كەز كەلگەن كومپانيا كاسىپتى اۆتو­مات­تان­دىرۋعا،نارىقتا جاڭا دەڭ­گەيگە جانە جە­تەكشى ورىنعا شىعۋعا كومەك­تەسەتىن digital جو­بالاردى ىسكە اسىرۋعا ۇمتى­لۋى ءتيىس.

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

ۇقساس جاڭالىقتار