الماتىدا جرۆي-مەن جاپپاي اۋىرۋدىڭ الدىن الۋ جانە تۇماۋ ۆيرۋسىنىڭ كوروناۆيرۋس ينفەكتسياسىمەن قاباتتاسىپ كەتپەۋى ءۇشىن 15 قىركۇيەكتەن باستاپ قالا تۇرعىندارىن تۇماۋدان ۆاكتسينالاۋ باستالدى.
ايگۇل اسەنقىزىنىڭ ايتۋىنشا, ۆاكتسينا العىسى كەلەتىندەرگە ەمحاناعا كەلۋ كەرەك.
"ەگەر ادام ۆاكتسينا العىسى كەلسە, وندا ول تىركەلگەن ەمحانانىڭ تىركەۋ بولىمىنە الدىن الا قوڭىراۋ شالۋ قاجەت", - دەپ ءتۇسىندىردى ايگۇل اسەنقىزى.
ايتا كەتۋ كەرەك, مەملەكەتتىك بيۋدجەت قاراجاتى ەسەبىنەن ۆاكتسينا كەلەسى ساناتتاعى ازاماتتارعا قول جەتىمدى:
•ەپيدەميالىق بەلگىلەرى بار ادامدارعا;
•جۇرەك-قانتامىر جۇيەسىنىڭ سوزىلمالى اۋرۋلارى بار ادامدار;
•جۇكتىلىكتىڭ ەكىنشى نەمەسە ءۇشىنشى تريمەسترىندەگى جۇكتى ايەلدەر;
•مەديتسينالىق-الەۋمەتتىك مەكەمەلەردىڭ قىزمەتتەرىن الۋشىلارعا;
•جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىنىڭ, بالالار ۇيلەرىنىڭ بالالارى;
•مەديتسينالىق ۇيىمداردا مەديتسينالىق باقىلاۋعا جاتاتىن بالالار;
•مەملەكەتتىك مەكەمەلەردىڭ مەديتسينا قىزمەتكەرلەرى;
•جاستارى 6 ايدان جوعارى ءجيى اۋىراتىن بالالار.
تەگىن ۆاكتسينا تۇرعىلىقتى جەرى بويىنشا نەمەسە تىركەلگەن جەرى بويىنشا ەمحانالاردا جۇرگىزىلەدى.
قىزمەت كورسەتۋ سالاسىنىڭ قىزمەتكەرلەرى (كولىك, سۋپەرماركەتتەر, بانكتەر, قوناق ۇيلەر, ءىرى كاسىپورىندار جانە ت.ب.) جاتاتىن حالىقتىڭ وزگە ساناتتارىنا ۆاكتسينا جۇمىس بەرۋشىنىڭ نەمەسە ءوز قاراجاتىنان جۇرگىزىلەدى.
ايگۇل اسەنقىزىنىڭ ايتۋىنشا, ەكپە الۋ الدىندا مىندەتتى تۇردە تەراپەۆتتەن تەكسەرۋدەن ءوتۋ قاجەت.
"ۆاكتسينا الۋدان بۇرىن پاتسيەنت جالپى تاجىريبەلىك دارىگەرگە نەمەسە تەراپەۆتكە بارۋى وتە ماڭىزدى. دارىگەر ناۋقاستىڭ جالپى جاعدايىن باعالايدى. ەگەر كاتارالدى قۇبىلىستار نەمەسە تەمپەراتۋرا بايقالماسا, ول ۆاكتسينانى ء«وز ەركىمەن اقپاراتتاندىرىلعان كەلىسىمگە قول قويۋ ارقىلى الا الادى نەمەسە الدىن الۋ ەكپەسىن الۋدان باس تارتا الادى ", - دەپ ءتۇسىندىردى ول.
تۇماۋعا قارسى ەكپە العىسى كەلەتىن قالعان ساناتتاعى قالا تۇرعىندارى تۇماۋعا قارسى ەكپە جۇرگىزۋگە ليتسەنزياسى بار مەديتسينالىق ورتالىقتارعا جۇگىنە الادى:
مۇقانوۆ ك-ءسى, 235 مەكەنجايى بويىنشا ورنالاسقان "IMC" مەديتسينالىق ورتالىعى (بايلانىس ءنومىرى 8 (727)378 64 64)
“فارماكوم "جشس" ۆاكتسيناتسيا كلينيكاسى " بۇزىرباەۆ كوشەسى, 23 (بايلانىس ءنومىرى 8 (727) 3824603, 8 (727) 291 79 65)
"سوس-قازاقستان" جشس لۋگانسكي ك-ءسى, 11 (بايلانىس ءنومىرى 8 (727) 2581911)
سونداي-اق تۇماۋعا قارسى ۆاكتسينا دوزاسىنىڭ ورتاشا باعاسى 2,5-نان 4 مىڭ تەڭگەگە دەيىن وزگەرەتىنى اتاپ ءوتىلدى. تۇماۋعا قارسى "گريپپول پليۋس" نەمەسە "ينفليۋۆاك" ۆاكتسينالارى سالىناتىن بولادى.
