قىزىلوردالىق ورەندەر قانت ديابەتى مەكتەبىن اشۋدى كوپتەن جوسپارلاعان ەكەن. اۋرۋدىڭ نەگىزگى سەبەپتەرىن جانە ولاردى شەشۋ جولدارىن زەرتتەگەن ولار بۇل دەرتكە شالدىققاندار ءۇشىن اقپاراتتىق ماتەريالداردىڭ جەتكىلىكسىز ەكەنىن بايقاپتى.
"وكىنىشكە قاراي قازىرگى تاڭدا ايماقتا ەندوكرينولوگ ماماندارى تاپشى, ناۋقاستاردىڭ ساۋاتتىلىعى دا تومەندىگى ۇلكەن ماسەلە بولىپ وتىر. قانت ديابەتى مەكتەبىندە بالالار اۋرۋ سالدارىن الدىن الۋ ءۇشىن دەنساۋلىقتارىنا باقىلاۋ جۇرگىزۋدى, دۇرىس تاماقتانۋدى ۇيرەنەدى جانە كاسىبي كەڭەستەر الا الادى", – دەيدى ابىلقايىر.
ديابەت مەكتەبىنىڭ ەرەكشەلىگى – مۇندا كەلۋشىلەر تەوريالىق ءبىلىم الىپ قانا قويماي, پراكتيكالىق داعدىلارىن دا ارتتىرا الادى. جوبا اۆتورلارى وسى دەرتپەن اۋىرعاندارعا ارنايى ءدارى-دارمەكتەر جيناقتالعان مەديتسينالىق سومكەلەر ازىرلەدى. سونداي-اق وقۋشىلار اۋرۋدىڭ العاشقى بەلگىلەرى, سەبەپتەرى مەن سالدارى, وزدەرى جۇرگىزگەن زەرتتەۋلەرى ناتيجەسىندە ينسۋلين دوزاسىن ەسەپتەۋ جانە دەرت تۇرىنە سايكەس تۇتىنۋعا رۇقسات ەتىلگەن قانت مولشەرى جايىندا اقپاراتتىق بروشيۋرالار جاساپ شىعارعان.
"بۇل ءبىزدىڭ ايماق ءۇشىن نوۋ-حاۋ. وسى ارقىلى دەرتكە شالدىققان جاسوسپىرىمدەرگە كەزدەسەتىن قيىندىقتاردى جەڭۋگە كومەكتەسەمىز. ءبىزدىڭ باستى ماقساتىمىز – قانت ديابەتى ءومىر ءسۇرۋ ءۇشىن كەدەرگى ەمەس ەكەنىن ءتۇسىندىرۋ. ەگەر جەرگىلىكتى بيلىك تاراپىنان قارجىلاندىرۋ مەن قولداۋ تاپساق, ءبىز ءوز جوبامىزدى جۇزەگە اسىرۋعا دايىنبىز", – دەيدى جانگەرەي.
