ايماقتار • 15 قىركۇيەك، 2020

باتىس قازاقستان وبلىسىندا كەز كەلگەن ادام ەمحانانى تاڭداي الادى

14 رەت كورسەتىلدى

15 قىركۇيەكتەن باستاپ كەز كەلگەن ادام ەمحانانى تاڭداي الادى. باتىس قازاقستان وبلىسىندا ەمحاناعا تىركەلگەندەردىڭ سانى 68،5 مىڭعا جەتپەك، دەپ حابارلايدى Egemen.kz.

العاشقى مەديتسينالىق-سانيتارلىق كومەك ۇيىمى اياسىندا جىل سايىنعى تەگىن تاڭداۋ اكتسياسى ەكى اي ىشىندە – 15 قىركۇيەكتەن 15 قاراشاعا دەيىن وتەدى. بيىلعى جىلدىڭ ەرەكشەلىگى – ءاربىر ازامات مۇنى egov.kz سايتى ارقىلى جاساي الادى.

"دارىگەر وزىنە بەكىتىلگەن ناۋقاستاردىڭ دەنساۋلىعىن باقىلاۋ ءۇشىن ەمحانانى تۇرعىلىقتى جەرىنە جاقىن جەردە تاڭداعان ءجون بولادى. بۇل اسىرەسە پاندەميا كەزىندە ماڭىزدى"، - دەيدى باتىس قازاقستان وبلىستىق دەنساۋلىق ساقتاۋ باسقارماسى باستىعىنىڭ ورىنباسارى گۇلنار ءابدىراحمانوۆا.

ازاماتتار ەمحانا تاڭداعان كەزدە ءار پروفيلدەگى دارىگەردىڭ قىزمەت كورسەتەتىن ادام سانى شەكتەۋلى بولادى. مىسالى، تەراپەۆتكە 2200 ادامنان اسپاۋى كەرەك. ال پەدياتر باقىلايتىن بالا سانى 900-دەن كوپ بولماۋى ءتيىس. ەمحانانىڭ وزىندە مۇگەدەكتەر، زەينەتكەرلەر، قامقورشىلار، اسكەري قىزمەتكەرلەر جانە باسقا دا ازاماتتار تىركەلە الادى. قالعان ازاماتتار دارىگەر قابىلداۋىنا جازىلۋ ءۇشىن تەك قانا ونلاين جۇيەدە، ۆەب-سايت ارقىلى جۇرەدى. ونلاين-تاپسىرىسقا 24 ساعات ىشىندە جاۋاپ بەرىلەدى.

ايتا كەتەيىك، ساقتاندىرۋ مارتەبەسىنە قاراماستان، بارلىق ازامات كەپىلدەندىرىلگەن تەگىن مەديتسينالىق كومەك الۋعا قۇقىلى. جوسپارلى اۋرۋحاناعا جاتۋ، تار پروفيلدەگى مامانداردىڭ قابىلداۋى، قىمبات ەمتيحانداردان ءوتۋ جانە جوعارى تەحنولوگيالىق ەمدەلۋ ءۇشىن مىندەتتى مەديتسينالىق ساقتاندىرۋ جۇيەسىندە ساقتاندىرۋ قاجەت. ء"وزىڭىزدىڭ ساقتاندىرۋ مارتەبەڭىزدى ەلەكتروندى ۇكىمەت پورتالىنان، قوردىڭ ۆەب-سايتىنان جانە SaqtandyryBot ارقىلى Telegram-دان بىلە الاسىز" دەپ حابارلايدى باتىس قازاقستان وبلىستىق دەنساۋلىق ساقتاۋ دەپارتامەنتىنىڭ ءباسپاسوز قىزمەتى.

 

باتىس قازاقستان

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار