مەديتسينا • 15 قىركۇيەك، 2020

تۇماۋعا قارسى ەكپە باستالدى

74 رەت كورسەتىلدى

COVID-19 تۋدىرعان پاندەميادان تولىق ارىلماي جاتىپ، ماۋسىمدىق تۇماۋ باس­تالسا نە بولادى دەگەن قاۋىپتىڭ كىمنىڭ دە كوڭىلىندە بارى انىق.

بيىل ەلوردالىقتاردى تۇماۋعا قارسى ۆاك­تسي­نا­تسيالاۋ ءۇشىن 110 مىڭ دوزا ۆاكتسينا ساتىپ الىندى، دەپ حابارلايدى نۇر-سۇل­تان قالاسىنىڭ قوعامدىق دەنساۋلىق ساقتاۋ باس­قارماسى. تۇماۋعا قارسى ەكپە استانا­لىق­تار­عا تىركەلگەن مەكەنجايى بويىنشا جەر­گىلىك­تى العاشقى مەديتسينالىق-سانيتارلىق كومەك ۇيىمدارىندا جۇرگىزىلەدى. قوعامدىق دەن­ساۋلىق ساقتاۋ باسقارماسى ەكپەنىڭ ءبىرىنشى كەزەك­تە قانداي ساناتتاعى ادامدارعا سالىناتىنىن ايتتى. ولار – سوزىلمالى اۋرۋلارى بار 18 جاسقا دەيىنگى بالالار; مەديتسينالىق قىزمەت­كەرلەر; جۇكتى ايەلدەر (جۇكتىلىكتىڭ العاشقى 2-3 ايى); جابىق مەكەمەلەردەگى ادامدار (بالالار ءۇيى، ءۇي، ينتەرنات); ەرەسەك مۇگەدەكتەر مەن سوزىلمالى اۋرۋلارى بار بالالار; 60 جاستان اسقان قارت ادامدار كورىنەدى.

«قازاقستاندا جىل سايىن تۇماۋعا قارسى جاپپاي يممۋنداۋ تۇماۋدىڭ ەپيدەميالىق تارالۋى جانە ءولىم مەن اسقىنۋلاردىڭ دەڭگەيىن تومەندەتۋ ماقساتىندا جۇرگىزىلەدى. ۆاكتسينالاۋدا اعزاعا ينفەكتسيالىق اگەنت بولشەگى ەنگىزىلەدى. ول ينفەكتسيالىق اگەنت اۋرۋدى تۋدىرۋى مۇمكىن ەمەس، بىراق اعزادا انتيدەنەلەردى شىعارۋعا ىنتالاندىرۋى مۇمكىن»، دەيدى قوعامدىق دەنساۋلىق ساقتاۋ باسقارماسىنىڭ مامانى فاتيما سماعۇلوۆا.

نازار اۋداراتىن جايت، ۆاكتسينالاۋ وعان قارسى كورسەتكىشتەرى بار ادامدارعا جاسالمايدى. ەگەر اعزادا وتكىر ۆيرۋستىق ينفەكتسيا بولسا (تاماق اۋرۋى، جوتەل، بەزگەك)، وندا ەكپە الۋعا بولمايدى. سونداي-اق سوزىلمالى اۋرۋلاردىڭ ءورشۋى كەزىندە دە ۆاكتسينالاۋدان ۋاقىتشا باس تارتۋعا تۋرا كەلەدى. ەكى جاعدايدا دا پاتسيەنتتەر ساۋىققاننان كەيىن نەمەسە سوزىلمالى اۋرۋدىڭ تۇراقتى جاقسارۋىنان كەيىن ۆاكتسيناتسيالانادى، دەيدى قالالىق قوعامدىق دەنساۋلىق ساقتاۋ قىزمەتىندەگى ماماندار.

 

سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار