ۇكىمەت • 15 قىركۇيەك، 2020

زاڭ جوباسى ازىرلەندىى

9 رەت كورسەتىلدى

تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ەلدىڭ يننوۆاتسيالىق جانە عىلىمي-تەحنيكالىق دامۋىنا قاتىستى زاڭ جوباسىن ازىرلەدى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە يننوۆاتسيالىق جانە عىلىمي-تەحنيكالىق دامۋ ماسە­لە­لەرى بويىنشا وزگەرىستەر مەن تولىق­تىرۋلار ەنگىزۋ تۋرالى» زاڭ جوباسى ەل­دەگى يننوۆاتسيالىق بەلسەندىلىكتى ارت­تىرۋعا، سونداي-اق وتان­دىق ازىرلەۋشىلەردى قولداۋدىڭ ءتيىمدى ەكو­جۇيەسىن قالىپ­تاستىرۋعا باعىتتالعان.

ساراپشىلاردىڭ پىكىرىنشە، يننو­ۆا­تسيالاردى قولداۋ ساپالى جاڭا دەڭ­گەيگە شىعۋى ءۇشىن وسى باعىتتاعى قول­دانىستاعى نورمالاردى، ونىڭ ىشىندە يننوۆاتسيالىق قىزمەتتى ىنتالاندىرۋ مەن كوتەرمەلەۋگە قاتىستى نورمالاردى وزەكتەندىرۋ ماڭىزدى. بۇل رەتتە جۇمىستا حالىقارالىق تاسىلدەردى قولدانۋ جانە مەملەكەتتىك يننوۆاتسيالىق ساياساتتى ۇيلەستىرۋدى كۇشەيتۋ مىندەتتى ولشەمدەر بولىپ تابىلادى.

جوبا نورمالارى قابىلدانعان جاع­دايدا نەگىزگى وزگەرىستەر مەن جاڭالىق­تار تەحنولوگيالىق پلاتفورمالاردى قالىپ­تاستىرۋ، كورپوراتيۆتىك يننوۆاتسيالاردى، ۆەنچۋرلىك كاپيتال نارىعىن دامىتۋ، ستارتاپتار مەن يننوۆاتسيالىق كومپانيالاردى ىنتالاندىرۋ، عىلىمي جانە عىلىمي-تەحنيكالىق قىزمەت ناتيجەلەرىن كوممەرتسيالاندىرۋدىڭ تيىمدىلىگىن ارتتىرۋ جانە مەملەكەتتىك ساياساتتى ىسكە اسىرۋدى ينستيتۋتسيونالدىق كۇشەيتۋ سياقتى باعىتتاردا ىسكە اسىرىلادى.

زاڭ جوباسىن ازىرلەۋگە زاڭدى جوبالاۋ قىزمەتى ماسەلەلەرى جونىندەگى ۆە­دوم­ستۆوارالىق كوميسسيا وتىرىسىنىڭ حاتتاماسىمەن ماقۇلدانعان ساراپتاما قو­عامداستىعىنىڭ ونداعان وكىلى قاتىستى، ناتيجەسىندە 160-قا جۋىق زاڭنامالىق نورما قالىپتاستىرىلدى.

قازاقستاندىقتاردىڭ تالقىلاۋعا قا­تى­سۋى ءۇشىن بۇل نورمالار «اشىق دەرەكتەر» پورتالىندا ورنالاستىرىلعان. زاڭ جوباسى بويىنشا ۇسىنىستار پور­تال ارقىلى 15 قىركۇيەككە دەيىن قابىل­دانادى.

 

سوڭعى جاڭالىقتار

ۇقساس جاڭالىقتار