قازاقستاننىڭ ەقىۇ جانىنداعى تۇراقتى وكىلى قايرات سارىباي فورۋمنىڭ اشىلۋىنداعى ءوز سوزىندە سىبايلاس جەمقورلىققا قارسى كۇرەس, تسيفرلاندىرۋدى دامىتۋ جانە قورشاعان ورتانى قورعاۋ ماسەلەلەرىنە مەملەكەت تاراپىنان ەرەكشە كوڭىل ءبولىنىپ وتىرعانىن, جانە بۇل جونىندە پرەزيدەنت قاسىم-جومارت توقاەۆ ءوزىنىڭ تاياۋداعى جولداۋىندا دا ايتقانىن اتاپ ءوتتى.
ەقىۇ-عا قاتىسۋشى ەلدەردىڭ نازارىنا ەلىمىزدىڭ جاڭا ەكونوميكالىق باعدارىنىڭ جەتى نەگىزگى قاعيداتى جەتكىزىلدى. سونىمەن قاتار, قازاقستاندىق ديپلومات 2020 جىلدىڭ 1 قاڭتارىنان باستاپ ەلىمىزدىڭ سىبايلاس جەمقورلىققا قارسى مەملەكەتتەر توبىنا كىرگەنىن, سونداي-اق قازاقستاننىڭ ەۋروپا كەڭەسىنىڭ سىبايلاس جەمقورلىعى ءۇشىن قىلمىستىق جاۋاپكەرشىلىك كونۆەنتسياسىنا قوسىلۋعا نيەتتى ەكەندىگىن اتاپ ايتتى.
فورۋمنىڭ اياسىندا ق.سارىباي سونداي-اق ەقىۇ-عا قاتىسۋشى ەلدەر دەلەگاتسيالارىنىڭ باسشىلارىمەن بىرقاتار كوزدەسۋلەر وتكىزىپ, ولاردىڭ بارىسىندا ۇيىمنىڭ كۇن ءتارتىبى مەن ەلدەر اراسىنداعى الداعى ىنتىماقتاستىق ماسەلەلەرى بويىنشا پىكىر الماستى.
ءىس-شارانىڭ جۇمىسىنا ەقىۇ-عا 57 قاتىسۋشى ەلدىڭ مەملەكەتتىك ورگاندارىنىڭ, حالىقارالىق جانە ۇكىمەتتىك ەمەس ۇيىمداردىڭ جوعارى مارتەبەلى وكىلدەرى, اكادەميالىق ورتالار مەن جەكە سەكتوردىڭ ساراپشىلارى, سونداي-اق قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى, ەكولوگيا, گەولوگيا جانە تابيعي رەسۋرستار مينيسترلىگىنىڭ وكىلدەرى قاتىستى.
