نۇر-سۇلتان قالاسىنداعى №6 قالالىق اۋرۋحانادا دەنساۋلىق ساقتاۋ ءمينيسترى "گريپپول+" ۆاكتسيناسىن سالدىرعاننان كەيىن باق وكىلدەرىنە سۇحبات بەردى.
"جىلدا كۇز ايىندا جرۆي مەن تۇماۋ ءورشيدى. 2019-2020 جىلعى ەپيدەميالىق ماۋسىمدا جرۆي اۋىرعان 431 120 ادام تىركەلدى, ونىڭ ىشىندە 2 جارىم مىڭنان استام ناۋقاس زەرتحانادا انىقتالعان تۇماۋعا شالدىققان. ونىڭ 284 033-ءى نەمەسە 61,4 پايىزى 14 جاسقا تولماعان بالالار. بيىل حالىقتى ۆاكتسيناتسيالاۋ اسا قاجەت, ويتكەنى كوروناۆيرۋس پاندەمياسى كەزىندە تۇماۋ دا ءورشۋى مۇمكىن, سول كەزدە ەلدەگى جاعدايدى تۇراقتاندىرۋ قيىن بولادى. سوندىقتان بۇل جولى ەلىمىزدە ۆاكتسيناتسيانى جىلداعىدان ەكى اپتا بۇرىن باستايمىز. قازاقستان قاۋىپسىز, ءتيىستى زەرتحانالىق سىناقتاردان جانە باقىلاۋدان وتكەن, ساپالى ۆاكتسينا ساتىپ العانىن كورسەتۋ ءۇشىن ءوزىم ءبىرىنشى بولىپ ەكپە سالدىردىم", دەدى ا.تسوي.
ەستەرىڭىزگە سالا كەتەيىك, 2020 جىلى قازاقستاندا ەگۋ ناۋقانى 15 قىركۇيەك پەن 15 قاراشا ارالىعىندا وتەدى. بىرىڭعاي ديستريبيۋتور حالىقتىڭ 10 پايىزىنان استامىن تەگىن ۆاكتسينالاۋ ءۇشىن رەسەيدە وندىرىلگەن "گريپپول+" ۆاكتسيناسىنىڭ 2 ملن استام دوزاسىن ساتىپ الدى. ۆاكتسينا قۇرامىندا تۇماۋدىڭ ءۇش شتاممى- ا(H3N2), ا(H1N1) جانە ۆ قارسى انتيگەن بار.
قوعامدىق دەنساۋلىق ساقتاۋ باسقارماسى نۇر-سۇلتان قالاسى اكىمدىگىنىڭ №6 قالالىق ەمحاناسى شجق مكك-عا تۇماۋعا قارسى "گريپپول+" ۆاكتسيناسىنىڭ 7200 دوزاسىن بولگەن. ەمحاندا 3500 بالا, 3700 ەرەسەك, ونىڭ ىشىندە 468 جۇكتى ايەلدى, ديسپانسەرلىك ەسەپتە تۇرعان 2 582 ادام مەن 65 جاستان اسقان 519 ازاماتتى جانە 350 مەديتسينا قىزمەتكەرىن ۆاكتسينالاۋ جوسپارلانۋدا.
"گريپپول +" ۆاكتسيناسى تۇماۋعا قارسى ەرەكشە جوعارى يممۋنيتەت قالىپتاستىرادى.
ۆاكتسيناتسيا تاۋەكەل توبىنا كىرەتىن ءادامدارۇشىن تەگىن, اتاپ ايتقاندا:
- مەكتەپ جاسىنا تولماعان جانە مەكتەپ جاسىنداعى بالالار;
- مەديتسينا قىزمەتكەرلەرى;
- جۇكتى ايەلدەر (جۇكتىلىكتىڭ 2-3 تريمەسترى);
- جابىق مەكەمەلەردەگى ادامدار (بالالار ءۇيى, مەكتەپ-ينتەرناتتار;
- سوزىلمالى اۋرۋى بار ەرەسەكتەر مەن بالالار;
- 60 جاستان اسقان قارتتار.
