وسى كۇندەرى بۇكىل ەكونوميكالىق قوعامداستىقتىڭ نازارىن ۇلىبريتانيا وزىنە اۋدارۋدا. لوندوندا دۇنيەجۇزىلىك يسلامدىق ەكونوميكالىق فورۋم ءوز جۇمىسىن باستاسا, وعان 100-دەن استام مەملەكەت قاتىسۋدا, دەپ حابارلادى قر يجتم-ءنىڭ اقپارات باسقارماسى.
قازاقستان پرەزيدەنتى نۇرسۇلتان نازارباەۆتىڭ تاپسىرماسى بويىنشا, ديەف-تە پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ ءبىزدىڭ ەلىمىزدەن وكىلدىك ەتۋدە.
وسى كۇندەرى بۇكىل ەكونوميكالىق قوعامداستىقتىڭ نازارىن ۇلىبريتانيا وزىنە اۋدارۋدا. لوندوندا دۇنيەجۇزىلىك يسلامدىق ەكونوميكالىق فورۋم ءوز جۇمىسىن باستاسا, وعان 100-دەن استام مەملەكەت قاتىسۋدا, دەپ حابارلادى قر يجتم-ءنىڭ اقپارات باسقارماسى.
قازاقستان پرەزيدەنتى نۇرسۇلتان نازارباەۆتىڭ تاپسىرماسى بويىنشا, ديەف-تە پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ ءبىزدىڭ ەلىمىزدەن وكىلدىك ەتۋدە.
ۆيتسە-پرەمەر قازاقستاندا يسلامدىق قارجىلاندىرۋدى دامىتۋ جانە ينۆەستيتسيالىق احۋال تۋرالى ءسوز سويلەدى. ول ءوز سوزىندە اتاپ وتكەندەي, قازاقستاندا ءداستۇرلى قارجى جۇيەسىنىڭ دامۋىمەن قاتار, مەملەكەت باسشىسى ن.نازارباەۆتىڭ تاپسىرماسى بويىنشا, ورتالىق ازيا جانە تمد ەلدەرىنە باعدارلانعان وڭىرلىك يسلامدىق قارجىلاندىرۋ ورتالىعىن قۇرۋ بويىنشا جۇمىس جۇرگىزىلۋدە.
دالىرەك ايتقاندا, قازاقستان رەسپۋبليكاسىندا 2020 جىلعا دەيىن يسلامدىق قارجىلاندىرۋدى دامىتۋدىڭ جول كارتاسى ءازىرلەندى, باستى ارىپتەس – يسلام دامۋ بانكىمەن 2013-2015 جىلدارعا ارنالعان ەلدىك ارىپتەستىك ستراتەگياسىنا قول قويىلعان, سونداي-اق, يسلامدىق قارجىلىق ينستيتۋتتاردىڭ قىزمەتى ءۇشىن قۇقىقتىق نەگىزدى قۇرايتىن زاڭنامالىق بازا جەتىلدىرىلۋدە. بۇدان باسقا, قازاقستان قارجىلىق قىزمەتتەر جونىندەگى يسلام كەڭەسىنە كىرۋدى جوسپارلايدى جانە يسلام قارجىلاندىرۋ نارىقتارى بويىنشا حالىقارالىق ۇيىمعا (IIFM) كىرۋ ماسەلەسىن قاراپ جاتىر.
اسەت يسەكەشەۆ فورۋمنان تىس بىرنەشە ىسكەرلىك كەزدەسۋلەر وتكىزدى. سونىڭ ىشىندە, مالايزيا پرەمەر-ءمينيسترى نادجيب تۋن ابدۋل رازاكپەن جانە يسلام دامۋ بانكىنىڭ پرەزيدەنتى دوكتور موحاممەد اليمەن كەزدەستى.
سونداي-اق, ساپاردىڭ ءبىرىنشى كۇنى اسەت يسەكەشەۆ قر يجتم «KAZNEX INVEST» اق قازاقستان-بريتانيا ينۆەستيتسيالىق جوبالاردى جۇزەگە اسىرۋ ماسەلەلەرى بويىنشا ۇيىمداستىرعان دوڭگەلەك ۇستەل وتىرىسىنا قاتىستى. تاراپتار ۇلىبريتانيا پرەمەر-ءمينيسترى دەۆيد كەمەرون شىلدە ايىندا قازاقستانعا كەلگەن كەزدە قول جەتكىزىلگەن جاڭا ۋاعدالاستىقتاردىڭ قازىرگى جاي-كۇيىن تالقىلادى.
