الەم • 13 قىركۇيەك، 2020

COVID-19: سانكت-پەتەربۋرگتە اۋرۋ كوبەيدى

11 رەت كورسەتىلدى

سانكت-پەتەربۋرگ بيلىگى COVID-19-بەن كۇرەس ءۇشىن قوسىمشا ستاتسيونارلار اشۋعا ءماجبۇر بولدى، دەپ حابارلايدى Egemen.kz.

سەماشكو اتىنداعى   № 38  كوپبەيىندى اۋرۋحانا ينفەكتسيالىق ستاتسيونار قىزمەتىن اتقارۋعا كوشىپتى. بۇل جايىندا سانكت-پەتەربۋرگ دەنساۋلىق ساقتاۋ كوميتەتىنىڭ ءباسپاسوز قىزمەتى حابارلاعان.

REGNUM اگەنتتىگى اتالعان كلينيكانىڭ وسىمەن ەكىنشى رەت ءوز بەيىنىن وزگەرتىپ وتىرعانىن جازادى. العاشىندا اۋرۋحانا قابىرعاسىندا 1550 پاتسيەنت ەمدەلىپ شىعىپ، ءوز قالىپتى جاعدايداعى قىزمەتىنە قايتا  ورالعان مەكەمە ەگەر قاجەت بولسا قايتادان ينفەكتسيالىق ستاتسيونارعا اۋىسۋ مۇمكىندىگىن ەسكەرگەن. سول ۋاقىت تۋدى، كلينيكا ەكىنشى رەت SARS-CoV-2 كۇرەسكە جۇمىلدى، دەيدى.

رەسەي فەدەراتسياسىنىڭ قۇرامىنداعى وزگە ايماقتار ىشىنەن ىندەت تارالۋىندا نەۆا بويىنداعى اسەم قالا الدىڭعى ورىنعا شىعىپ، وتكەن تاۋلىكتە 23 پاتسيەنت ومىرمەن قوشتاسىپتى. جالپى پەتەربۋرگ بويىنشا كۆي-دەن اجال قۇشقاندار سانى 2630 ادام بولىپ، ءولىم كورسەتكىشى جونىنەن ماسكەۋ عانا الدىندا تۇر.

 

 

 

سوڭعى جاڭالىقتار

ۇقساس جاڭالىقتار