تاۋلىك ىشىندە 10 561 ادامعا اۋرۋ جۇعۋى فرانتسۋزداردى ۇركىتىپ تاستاعانداي. بۇدان بۇرىن 11 قىركۇيەكتە 9843 جاننىڭ ۆيرۋس جۇقتىرعانى انىقتالعاندا جيىرىلعان حالىق, ەندى ول ودان دا 718 ادامعا كوبەيىپ كەتكەنىنە قاتتى الاڭداۋشىلىق بىلدىرۋدە.
العاشقى رەكوردتى اۋرۋ تىركەلگەن 11 قىركۇيەكتە فرانتسيا پرەمەر-ءمينيسترى جان كاستەكس ەلدەگى COVID-19-دىڭ وسىمىنە قىنجىلا, بارشا فرانتسۋزداردى الەۋمەتتىك قاشىقتىققا مۇقيات بولۋدى, ساقتىق شارالارىن قاتاڭ ۇستانىپ, ۆيرۋس انىقتاۋ ءۇشىن تەست تاپسىرۋعا شاقىرعان ەدى. ال تامىزدىڭ اياعىندا پاريج بيلىگى قالا تۇرعىندارىنا تەگىس تۇمشا تاعىپ ءجۇرۋدى مىندەتتەگەنى جايىندا بۇرىن دا جازعان بولاتىنبىز. ءتىپتى جۇگىرۋگە شىقساڭىز دا تاستاماڭىز, ايتپەگەندە اۋرۋ تارالۋىنا توسقاۋىل قويا الماۋىمىز مۇمكىن دەپ قاۋىپ بىلدىرگەن-ءدى.
