وقۋ-جاتتىعۋدىڭ نەگىزگى ماقساتى ەلىمىزدىڭ باتىس وڭىردەگى قاۋىپسىزدىگىن قامتاماسىز ەتۋ بويىنشا بىرلەسكەن ءىس-قيمىلداردى پىسىقتاۋ بولدى.
قارۋلى كۇشتەردەن باسقا مانەۆر جاساۋعا "بەكەت-2020" ۆەدومستۆوارالىق كەشەندى وقۋ-جاتتىعۋى شەڭبەرىندەگى ءىس-شارالارعا قاتىسقان باسقا دا مەملەكەتتىك ورگانداردىڭ قۇرىلىمدىق بولىمشەلەرى تارتىلدى.
سونىمەن قاتار, وقۋ-جاتتىعۋ بارىسىندا ناقتى جاۋىنگەرلىك جاعدايلارعا بارىنشا جاقىن, كەشەندى تاۋەكەلدەر مەن گيبريدتى سيپاتتاعى قاۋىپ-قاتەرلەرگە, سونداي-اق شارتتى قارسىلاستىڭ ارەكەتتەرىنە دەن قويۋ قاجەتتىلىگىن ەسكەرەتىن جاعدايلار قاراستىرىلدى.
ارنايى وپەراتسيا كۇشتەرى وقۋ-جاتتىعۋ بارىسىندا ۇشقىشسىز ۇشۋ اپپاراتتارىن قولدانا وتىرىپ, جەرگىلىكتى جەردى بارلاۋدى ۇزدىكسىز جۇزەگە اسىردى. بۇل زاڭسىز قارۋلى قۇرالىمداردى دەر كەزىندە انىقتاۋ مەن اسكەري بولىمشەلەردى الداعى ءىس-قيمىلداردىڭ باعىتى تۋرالى باعدارلاۋعا مۇمكىندىك بەردى.
اسكەري تەڭىزشىلەر تەڭىزدىڭ ەكونوميكالىق قىزمەت نىساندارى مەن جاعالاۋدى قورعاۋ بويىنشا ءىس-شارالار وتكىزدى. زىمىراندى-ارتيللەريالىق كاتەرلەردىڭ كۇشتەرى تەڭىزدەن شارتتى قارسىلاستىڭ شابۋىلىنا تويتارىس بەردى. سونداي-اق ەلىمىزدىڭ تەڭىز شەكاراسىن بۇزعان كەمەلەردى وقشاۋلاۋ جانە بەيتاراپتاندىرۋ جۇرگىزىلدى. بىرقاتار ماڭىزدى تاپسىرمالاردى جاۋىنگەرلىك جۇزۋشىلەردەن قۇرالعان جاساق ورىندادى.
بەرىلگەن ايماقتا اۋا مەن قايىقتاردان قونۋ ارقىلى جاۋىنگەرلەر سۋ استىنداعى بارلاۋشىلاردىڭ ءىس-قيمىلدارىنىڭ الدىن الدى. قايىقتاردى جاۋ ديۆەرسانتتارىنان قورعاۋدى ۇيىمداستىردى, سونىمەن قاتار شارتتى جاۋدىڭ كەمەسىن جاسىرىن تۇردە مينالاندىردى. تەڭىز جاياۋ اسكەرلەرى شەكارا ماڭىنداعى اۋداندا قارۋلى قاقتىعىستى وقشاۋلاۋ, ونىڭ ىشىندە بوسقىندار لاگەرلەرىن ورىستەتۋ, ولارمەن قاجەتتى اقپاراتتىق جانە پسيحولوگيالىق جۇمىستى ۇيىمداستىرۋ ماسەلەلەرىن پىسىقتادى.
قازىرگى تاڭدا اسكەرلەردە, ءبىرىنشى كەزەكتە ارنايى وپەراتسيالار كۇشتەرى مەن ارنايى ماقساتتاعى بولىمشەلەردە بەلسەندى تۇردە ەنگىزىلىپ جاتقان ارميالىق تاكتيكالىق اتىستى قولدانا وتىرىپ, ارنايى بولىمشەلەردىڭ ءىس-قيمىلى جەكەلەي كورسەتىلدى. بۇل جەكە قۇرامنىڭ جاۋىنگەرلىك دايارلىعىندا جاڭا باعىت پەن زاماناۋي ەرەكشەلىكتەرىن ەسكەرە وتىرىپ, جاۋىنگەرلەردىڭ ۇرىس جىلدامدىعىن, قارسىلاستىڭ تىكەلەي جاقىندىعى مەن جاۋىنگەرلىك تارتىپكە ورىستەتۋ ءۇشىن جاعدايلاردىڭ ورىن الماۋى كەزەڭىندە جاۋىنگەرلىك ءىس-قيمىلداردى جۇرگىزۋ داعدىلارىنا باستى نازار اۋدارىلادى.
اسكەري قىزمەتشىلەر ارميالىق تاكتيكالىق اتىس جاتتىعۋلارىن ورىنداۋ بارىسىندا اتىس قارۋىن, سونداي-اق سۋىق قارۋدى, اتاپ ايتقاندا پىشاقتى, ساپەر كۇرەكتەرىن جانە ت.ب. قولدانا وتىرىپ, قارسىلاستى ءارتۇرلى ەرەجەلەردەن جەڭۋدى جۇزەگە اسىرادى. مۇنداي ءىس-قيمىل جاۋىنگەرلەردەن تەك سەنىمدى كاسىبي داعدىلاردى عانا ەمەس, جەكە قۇراممەن تۇراقتى نەگىزدە وتكىزىلەتىن ارنايى پسيحولوگيالىق دايىندىقتى دا تالاپ ەتەدى.
وقۋ-جاتتىعۋدىڭ بەلسەندى كەزەڭىن قازاقستان رەسپۋبليكاسىنىڭ قورعانىس ءمينيسترى گەنەرال-لەيتەنانت نۇرلان ەرمەكباەۆ پەن ماڭعىستاۋ وبلىسىنىڭ اكىمى سەرىكباي تۇرىموۆ قاداعالادى. ولار جاۋىنگەرلەردىڭ كاسىبيلىگىنە, قارۋلى كۇشتەر بولىمشەلەرى مەن باسقا دا مەملەكەتتىك ورگانداردىڭ وڭىردەگى داعدارىستىق جاعدايدى جويۋ جونىندەگى مىندەتتەردى شەشۋدەگى ءىس-قيمىلدارىنىڭ ۇيلەسىمدىلىگىنە جوعارى باعا بەردى.
