ەلوردا • 10 قىركۇيەك، 2020

باتىس پەن جامبىل وبلىسىنىڭ فەرمەرلەرى جارمەڭكەگە 405 توننا ءونىم اكەلەدى

33 رەت كورسەتىلدى

ۇيىمداستىرۋشىلاردىڭ ايتۋىنشا، باعالار نارىقتاعىدان قاراعاندا 15-20% تومەن بولادى، دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.

12-13 قىركۇيەكتە حان-شاتىر ساۋدا ويىن-ساۋىق ورتالىعىنىڭ جانىنداعى الاڭدا باتىس قازاقستان جانە جامبىل وبلىستارى شارۋالارىنىڭ جارمەڭكەسى وتەدى. ەكى وبلىستىڭ فەرمەرلەرى ەلورداعا 400 توننادان استام ءونىم اكەلەدى.

ەلوردا تۇرعىندارى مەن قوناقتارىنا 204 توننا كوكونىس، 92،8 توننا ەت، 30 توننا شۇجىق، 12،5 توننا ءسۇت ونىمدەرى، 55 مىڭ دانا جۇمىرتقا، 21،5 توننا ۇن جانە ماكارون ونىمدەرى، 6 توننا كونديتەرلىك ونىمدەر، 5 توننا قانت، 2،5 توننا بال، 1،5 توننا كەپتىرىلگەن جەمىستەر جانە ت.ب. اكەلىنەدى.

باعالار نارىقتاعىدان قاراعاندا 15-20% تومەن بولادى. مىسالى، سيىر ەتىن 1700 تەڭگە/كگ، قوي ەتىن 1900 تەڭگە/كگ، جىلقى ەتىن 2000 تەڭگە/كگ ساتىپ الۋعا بولادى.

بارلىعى 445 ميلليون تەڭگەنىڭ 405 توننا ءونىمىن ساتۋ جوسپارلانعان. جارمەڭكەگە كەلۋشىلەر قاتاڭ سانيتارلىق-گيگيەنالىق تالاپتاردى ساقتاۋى ءتيىس.

سوڭعى جاڭالىقتار

ۇقساس جاڭالىقتار