قوعام • 10 قىركۇيەك، 2020

Jas Otan جاستار ماسەلەسىن شەشۋگە باعىتتالعان 216 باعدارلاما ازىرلەدى

12 رەت كورسەتىلدى

"Jas Otan" جول كارتاسىنىڭ 216 جوباسىن جاريالادى. وندا ءاربىر ءوڭىر، قالا جانە اۋدان بويىنشا جاستاردىڭ نەگىزگى پروبلەمالارىن شەشۋگە قاتىستى ناقتى شارالار كورسەتىلگەن. قازاقستاندىق جاستار اتالعان قۇجاتپەن تانىسىپ قانا قويماي، سونىمەن قاتار، jasotan.kz جانە primaries.kz سايتتار ارقىلى ءوز ۇسىنىستارىن جولداي الادى، دەپ حابارلايدى Egemen.kz "Nur Otan" پارتياسىنىڭ ءباسپاسوز قىزمەتىنە سىلتەمە جاساپ.

ءباسپاسوز قىزمەتىنىڭ حابارلاۋىنشا، پارتيا كوشباسشىسى نۇرسۇلتان نازارباەۆتىڭ تاپسىرماسىنا سايكەس "Nur Otan" پارتياسىنىڭ جاس جاقتاستارى قازاقستاندىق جاستاردى قولداۋعا ارنالعان "جاستار-وتانعا!" 5 جىلدىق باعدارلاماسىن ازىرلەگەن.

ول ۇزدىك الەمدىك تاجىريبەلەردى جانە بۇكىل ەل بويىنشا جاستاردىڭ 3 مىڭنان استام ۇسىنىسىن ەسكەرە وتىرىپ دايىندالعان.

باعدارلامادا جۇمىستىڭ نەگىزگى باعىتتارى، ونىڭ ىشىندە قولجەتىمدى باسپانا مەن جاس وتباسىلاردى قولداۋ، جۇمىسقا ورنالاستىرۋ جانە جۇمىسپەن قامتۋ ماسەلەلەرى كورسەتىلسە، ال جول كارتاسى – بۇل ناقتى كۇندەرى مەن ماقساتتى ينديكاتورلارى كورسەتىلگەن وزىندىك شەبەرلىك جوسپارى. ماسەلەن، ەلوردادا تۇرعىن ءۇي ماسەلەسىن شەشۋمەن قاتار، دارىندى جاستارعا گرانت ءبولۋ، سپورت نىساندارىنا جەڭىلدىكپەن قولجەتىمدىلىكتى كەڭەيتۋ، اتا-اناسىنىڭ قامقورلىعىنسىز قالعان جانە ينتەرناتتان شىققان جاستارعا قولداۋ كورسەتۋ جانە ت.ب. كوزدەلگەن.

جامبىل وبلىسىندا 2021 جىلدان باستاپ جاس وتباسىلارعا ارنالعان مەملەكەتتىڭ قاتىسۋىمەن سالىناتىن تۇرعىن ءۇي ساتىپ الۋ ءۇشىن "اۋليەاتا جاستارى" نەسيەلەۋ باعدارلاماسىن ىسكە قوسۋ جوسپارلانىپ وتىر. جاستاردى جۇمىسپەن قامتۋ ماسەلەسىمەن الماتى وبلىسىنداعى جاسوتاندىقتار بەلسەندى اينالىسۋعا نيەتتى. وڭىرلىك باعدارلاما جىل سايىن 10 مىڭعا جۋىق جاستى جۇمىسپەن قامتۋعا ۋادە بەرەدى. قوستاناي وبلىسىندا بۇقارالىق سپورتتى دامىتۋعا ەرەكشە كوڭىل ءبولىندى.

2025 جىلعا دەيىن باعدارلامانى ىسكە اسىرۋ اياسىندا جاساندى جابىنى بار 30 شاعىن فۋتبول الاڭى، 10 ستريتبول الاڭى، ستريت-ۆوركاۋت الاڭدارى، وبلىستىڭ قالالارى مەن اۋداندارىندا 29 حوككەي كورتى سالىنباق. "جاستار-وتانعا!" باعدارلاماسىنىڭ جول كارتاسىندا جاستار كاسىپكەرلىگىن دامىتۋعا ەرەكشە نازار اۋدارىلدى.

ايتالىق، ماڭعىستاۋ وبلىسىندا جىل سايىن 500 جاس "باستاۋ بيزنەس" باعدارلاماسى بويىنشا ءوز ءىسىن جۇرگىزۋدى تەگىن وقي الادى. سونداي-اق، ءوڭىردىڭ جاس كاسىپكەرلەرى ءۇشىن نەسيەلەر بويىنشا مولشەرلەمەلەردى تومەندەتۋ جانە مەملەكەتتىك سۋبسيديالارعا قولجەتىمدىلىكتى كەڭەيتۋ جوسپارلانۋدا. ءبىلىم بەرۋ جانە تۇلعالىق ءوسۋ سالاسى وڭىرلىك باعدارلامالاردا دا ەسكەرىلگەن. تاراز قالاسىندا جاستار ساياساتى مەكتەبىنىڭ بازاسىندا جىل سايىن 70 ادام تاعىلىمدامادان وتەدى. 2023 جىلى "SMART" وقۋ ورتالىعىن اشۋ كوزدەلىپ وتىر. 2025 جىلعا دەيىنگى "جاستار-وتانعا!" باعدارلاماسىن جىل سوڭىنا دەيىن بەكىتۋ جوسپارلانعان. وعان دەيىن جوبا جاستار اراسىندا، ونىڭ ىشىندە "Nur Otan" پارتياىشىلىك پرايمەريزدەرىندەگى پىكىرسايىستار اياسىندا تالقىلانباق.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار