ءدۇبىرلى دودادا قازاقستاننىڭ جەتى بىردەي ورەنى ونەر كورسەتتى. سولاردىڭ تورتەۋى جەڭىسكە جەتتى. اتاپ ايتساق, سۇلتان جولداسبەك (62,1) پەن گويتي دازاەۆتىڭ (77,1 كيلو) قارسىلاستارى جەكپە-جەك بارىسىندا اۋىر جاراقاتتار الىپ, جارىستى جالعاستىرا المادى. ءسابيت ءجۇسىپوۆ (61,2 كيلو) برازيليالىق ريلدەچي دياستى ۇرىپ جىقسا, دارحان باكەنوۆ (+91 كيلو) ۋكراينالىق ۆلاديمير بريكتى جىعىپ الىپ, اۋىر سوققىلاردىڭ استىنا الدى.
ەڭ وكىنىشتىسى, Fight Nights Global ۇيىمىنىڭ چەمپيوندىق اتاعى ءۇشىن تالاسقان قوس قانداسىمىز دا جەڭىلىستىڭ كەرمەك ءدامىن تاتتى. مۇراتبەك قاسىمباي (65,8 كيلو) مۇحاممەد ەمينوۆقا ۇپاي سانىمەن ەسە جىبەرسە, كەشتىڭ باستى باسەكەسىندە داۋرەن ەرمەكوۆ (83,9 كيلو) ۆلاديمير مينەەۆتىڭ ەكپىنىنە شىداي المادى. وسىلايشا, التىن بەلبەۋدىڭ ەكەۋى دە رەسەيدە قالدى. تاعى ءبىر كەزدەسۋدە ازامات مارقاباەۆ قازاقستاندا تۋىپ-ءوسىپ, كەيىننەن ومبىعا قونىس اۋدارعان نيكيتا بالتاباەۆتان ايلاسىن اسىرا العان جوق.
ماسكەۋدەگى تۋرنير بارىسىندا بارلىعى 16 جەكپە-جەك ءوتتى. سول باسەكەلەردە ۋسمان نۇرماگومەدوۆ, يۆان ەرەمەنكو, ارتۋر پرونين, حاسان ماگومەدشارىپوۆ, يۋسۋپ شۋاەۆ, ءشامىل يراسحانوۆ, رومان سالاگادزە, شالحان الحاسوۆ جانە گەلا بەريدزە سىندى سپورتشىلار جەڭىسكە جەتتى.
