ستاتيستيكا كورسەتىپ وتىرعانداي, رەسپۋبليكا اۋماعىندا بولعان ءورتتىڭ 47%-ى وتتى ابايسىز پايدالانۋ سەبەبىنەن تۋىنداعان. 2020 جىلدىڭ باسىنان بەرى وسى سەبەپتەن تۇرعىن ءۇي سەكتورىندا 2 349 ءورت ورىن الدى. ونىڭ سالدارىنان 72 ادام جاراقات الدى جانە 74 ادام كوز جۇمدى. تەك وتكەن تاۋلىكتە وسى سەبەپتەن 2 ورت تىركەلدى.
ماسەلەن, 8 قىركۇيەكتە قوستاناي قالاسىندا ميروشنيچەنكو كوشەسى بويىنشا 1-قاباتتاعى پاتەردە اۋدانى 35 شارشى مەتر ءورت شىقتى. ءۇي تۇرعىندارى ۋلى گازبەن ۋلانۋ بەلگىلەرىمەن اۋرۋحاناعا جاتقىزىلدى. ءورتتىڭ پايدا بولۋ سەبەبى, گاز پليتاسىندا تاماق قالدىرىلعان.
ەكىنشى ءورت سول كۇنى اقمولا وبلىسىنىڭ ەسىل قالاسىندا بولدى. ءورت سوندىرۋشىلەر 1940 جىلى تۋعان ءۇي يەسىن قۇتقاردى, ول كىسى ۋلى گازبەن ۋلانۋ بەلگىلەرىمەن اۋرۋحاناعا جاتقىزىلدى.
ءورتتىڭ الدىن الۋ ءۇشىن تۇرمىستا مىناداي ءورت قاۋىپسىزدىك قاعيدالارىن ساقتاڭىزدار:
- توسەكتە تەمەكى شەكپەڭىز, بالكوندار مەن لودجيالاردان تەمەكى شەكپەڭىزدەر;
- پليتادا دايىندالعان تاعامدى باقىلاۋسىز قالدىرماڭىزدار;
- سىرىڭكەلەر مەن ورتەگىش قۇرالداردى بالالاردىڭ قولى جەتپەيتىن جەرلەردە ساقتاڭىزدار;
- ۇيدەن شىققان كەزدە بارلىق گاز جانە ەلەكتر جابدىقتارىنىڭ وشىرىلگەنىنە كوز جەتكىزىڭىزدەر.
