ايماقتار • 10 قىركۇيەك، 2020

ءسۇلۋتوردىڭ «دوستىق شىڭى»

15 رەت كورسەتىلدى

قازاق حالقىنىڭ ۇلى اقىنى اباي قۇنانباي­ ۇلىنىڭ 175 جىلدىعىنا جانە كونستيتۋتسيانىڭ 25 جىلدىعىنا وراي جامبىل وبلىسى، جام­بىل اۋداندىق «جاستار رەسۋرستىق ورتا­لىعى» مەن «گەككون» سپورتتىق-تۋريستىك كلۋبى «دوس­تىق شىڭى» دەگەن اتاۋمەن الپينيادا ۇيىمداستىردى.

مۇنداعى ماقسات – كيەلى اۋليەاتا ءوڭىرىنىڭ تۋريزم سالاسىن دامىتۋ، جاستار اراسىندا سالاۋاتتى ءومىر سالتىن قالىپتاستىرۋ جانە دوستىق قارىم-قاتىناستى نىعايتۋ. اتالعان ءىس-شاراعا جامبىلدىق ەرىكتىلەر قاتىستى. ولار ت.رىسقۇلوۆ اۋدانىنىڭ اۋماعىندا ورنالاسقان باتىس تيان-شاننىڭ قىرعىز تاۋ قىراتىندا بولىپ، بيىكتىگى 3817 مەتر­گە جەتەتىن ءسۇلۋتور شىڭىن باعىندىردى. ءسويتىپ ءسۇلۋتور ماڭىنداعى شىڭدارعا ەلىمىزدەگى ۇلتارالىق دوستىقتى نىعايتۋ ءۇشىن «دوستىق شىڭى» اتاۋىن بەردى.

جامبىل اۋداندىق «جاستار رەسۋرستىق ورتالى­عىنىڭ» ديرەكتورى ماحانبەت راحىمجانوۆتىڭ ايتۋىنشا، مۇنداي ءىس-شارالار جاستار اراسىنداعى دوستىقتى نىعايتىپ، ەلىمىزدىڭ تاريحي قۇندىلىق­تارىن ناسيحاتتاۋدا ەرەكشە ءرول اتقارادى. الپي­نيادانىڭ سوڭىندا «دوستىق شىڭىن» باعىندىرعان بىرقاتار جاستارعا سەرتيفيكات تابىستالدى.

 

جامبىل وبلىسى

 

سوڭعى جاڭالىقتار

ۇقساس جاڭالىقتار