ەكونوميكا • 09 قىركۇيەك، 2020

ەلىمىزدە ونەركاسىپ ءوندىرىسىنىڭ كولەمى ارتىپ كەلەدى

14 رەت كورسەتىلدى

2020 جىلدىڭ 8 ايىنىڭ قورىتىندىسىندا ونەركاسىپ ءوندىرىسىنىڭ كولەمى 0،4% ءوستى. رەسپۋبليكانىڭ 12 ءوڭىرى وڭ ناتيجە كورسەتىپ وتىر، دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.

تاۋ-كەن ءوندىرۋ سەكتورىندا ءتۇستى كەندەردى ءوندىرۋ قۇرامىندا التىن بار كەندى ءوندىرۋدى ارتۋى ەسەبىنەن 1،4% ءوستى. تەمىر كەن ءوندىرۋ كولەمى 0،9% ءوستى. 

وڭدەۋ ونەركاسىبىندە ناقتى كولەم يندەكسى ءتۇستى مەتاللۋرگيا، فارماتسەۆتيكا، جەڭىل ونەركاسىپ، ماشينا جاساۋ، حيميا جانە باسقا دا سالالار ەسەبىنەن 3،3% ارتتى. 

ءتۇستى مەتاللۋرگيادا ءوندىرىس كولەمى تازارتىلعان التىن ءوندىرۋ كولەمىن 3%، باستاپقى ءاليۋمينيدى 1%، قۇيما التىن 30%، تۇيىرشىكتەردەگى كۇمىس 28% جانە باسقا دا كورسەتكىشتەردىڭ وسۋىنە بايلانىستى ناقتى كولەم يندەكسى 2،7% ۇلعايدى. 

حيميا ونەركاسىبىندە ءوندىرىس كولەمى 3،1% ءوستى. بۇل دەزينفەكتسيالىق قۇرالدار جانە مينەرالدى تىڭايتقىشتاردىڭ ءوندىرۋ كولەمىنىڭ ۇلعايۋىنا بايلانىستى بولدى.

فارماتسەۆتيكا ونەركاسىبىندە ءوندىرىس كولەمى 34،1% ارتتى. «سك-فارماتسيا» ديستريبيۋتورى ارقىلى تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە دارىلىك زاتتار مەن مەديتسينالىق بۇيىمداردى جەتكىزۋ كولەمى ۇلعايتىلدى. 

جەڭىل ونەركاسىپتە ءوندىرىس 11% ءوستى. ول توقىما بۇيىمدارى ءوندىرىسىنىڭ 7،2% جانە بىلعارى ونىمدەردىڭ 66،2% ۇلعايۋىنا بايلانىستى بولدى.

سوڭعى جاڭالىقتار

ۇقساس جاڭالىقتار