قوعام • 09 قىركۇيەك، 2020

قازاقستان ماشينا جاساۋشىلارىنىڭ VIII فورۋمى وتەدى

30 رەت كورسەتىلدى

قازاقستان ماشينا جاساۋشىلارىنىڭ VIII فورۋمى 2020 جىلدىڭ 17 قىركۇيەگىندە ونلاين فورماتتا  وتەدى، دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.

فورۋم جۇمىس جاساعان جىلدار ىشىندە يندۋسترياداعى باستى سالالىق شاراعا جانە  جەتەكشى قازاقستاندىق، شەتەلدىك ماشينا جاساۋ كاسىپورىندارىنىڭ باسشىلارىنىڭ، ورتالىق مەملەكەتتىك ورگانداردىڭ، كۆازيمەملەكەتتىك سەكتور مەن دامۋ ينستيتۋتتارىنىڭ، بيزنەس قاۋىمداستىقتار جانە ماشينا جاساۋ ونىمدەرىنىڭ ءىرى تۇتىنۋشىلارىنىڭ ديالوگتىق الاڭىنا اينالدى.

فورۋمدى يندۋستريا جانە ينفراقۇرىلىمدىق دامۋ مينيسترلىگى،  قازاقستان ماشينا جاساۋشىلار وداعى ۇيىمداستىرادى.

فورۋم اياسىندا ۇيىمداستىرىلىپ وتىرعان  ماشينا جاساۋ جانە مەتالل وڭدەۋ بويىنشا ءبىرىنشى حالىقارالىق مامانداندىرىلعان «Kazakhstan Machinery Fair 2020» كورمەسى دە 17-20 قىركۇيەك ارالىعىندا ونلاين فورماتتا وتەدى. بۇل كورمەدە وتاندىق جانە شەتەلدىك جەتەكشى ماشينا جاساۋشىلاردىڭ ونىمدەرى ۇسىنىلادى.

كورمە https://kmf.astanaexpo.expoplatform.com ونلاين پلاتفورماسىندا وتەدى. 

 

سوڭعى جاڭالىقتار

ۇقساس جاڭالىقتار