ەكولوگيا • 09 قىركۇيەك، 2020

ەلوردادا قۇس ۇياسىنا ارنالعان اللەيا قۇرىلادى

18 رەت كورسەتىلدى

ەلوردادا "قۇستار ۇياسى فەستيۆالى" بايقاۋىنا قاتىسۋعا ءوتىنىم قابىلداۋ اياقتالدى. وعان ءار ءتۇرلى جاستاعى 69 قازاقستاندىق قاتىستى. 16 قىركۇيەكتە كوميسسيا ءۇش ۇزدىك جۇمىستى انىقتايدى. ءار جەڭىمپازعا 20 مىڭ تەڭگەدەن بەرىلەدى، دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.

بايقاۋ ناتيجەسى 16-17 قىركۇيەكتە الەۋمەتتىك جەلىدەگى رەسمي پاراقشالاردا جاريالانادى. تولىق اقپاراتتى @birgemiz_taza_alem ينستاگرامم پاراقشاسىنان الۋعا بولادى.

ايتا كەتەيىك، ۇيىمداستىرۋشىسى "جاس ۇلان" بىرىڭعاي بالالار مەن جاسوسپىرىمدەر ۇيىمى رەسپۋبليكالىق قوعامدىق بىرلەستىگى. شارا "Birgemiz: Taza Alem" جالپىۇلتتىق جوباسى اياسىندا وتكىزىلەدى. ناتيجەسىندە، ۇيىمداستىرۋشىلار ەلوردا ساياباقتارىنىڭ بىرىندە قۇس ۇياسى اللەياسىن قۇرۋدى جوسپارلاۋدا. بايقاۋدىڭ ماقساتى – قورشاعان ورتانى قورعاۋ ماسەلەلەرىنە قوعام نازارىن اۋدارۋ.

"ەكولوگيالىق ماسەلەلەردىڭ ۇلكەن شوعىرى اراسىندا قۇستاردى قورعاۋ پروبلەماسى بولەك. قارقىندى قۇرىلىس كەسىرىنەن ساياباقتار مەن جاي عانا اعاشتار ورنالاسقان الاڭدار سانى ازايۋدا. ساياباقتار مەن ءۇيدىڭ ماڭىنا قۇستار ۇيالارىن ورنالاستىرىپ، قۇستاردى جان-جاققا ءبولۋ ارقىلى جاسىل جەلەكتەردە باقىلاۋسىز كوبەيەتىن جاندىكتەرمەن كۇرەسۋگە بولادى، شارا وسىعان باعىتتالعان"، دەلىنگەن كونكۋرس ەرەجەسىندە.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار