"شەتەلدىكتەر مەن ازاماتتىعى جوق ادامداردىڭ قازاقستان رەسپۋبليكاسىنا كەلۋىنە شاقىرۋلارىن رەسىمدەۋ, شاقىرۋلارىن كەلىسۋ, قازاقستان رەسپۋبليكاسىنىڭ ۆيزالارىن بەرۋ, كۇشىن جويۋ, قالپىنا كەلتىرۋ, سونداي-اق ولاردىڭ قولدانىلۋ مەرزىمدەرىن ۇزارتۋ جانە قىسقارتۋ قاعيدالارىن بەكىتۋ تۋرالى" قر سىرتقى ىستەر ءمينيسترىنىڭ م.ا. 2016 جىلعى 24 قاراشاداعى № 11-1-2/555 جانە قر ىشكى ىستەر ءمينيسترىنىڭ 2016 جىلعى 28 قاراشاداعى № 1100 بىرلەسكەن بۇيرىعىنا (بۇدان ءارى - قاعيدالار) ەنگىزىلگەن وزگەرىستەر مەن تولىقتىرۋلارعا بايلانىستى 2020 جىلعى 18 قىركۇيەكتەن باستاپ:
- "مەملەكەتتىك قىزمەتتەردى كورسەتۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى" 2019 جىلعى 25 قاراشاداعى قازاقستان رەسپۋبليكاسىنىڭ زاڭىن ىسكە اسىرۋ ماقساتىندا, قازاقستان رەسپۋبليكاسىنىڭ ىشكى ىستەر, سىرتقى ىستەر مينيسترلىكتەرى جانە شەت ەلدەردەگى مەكەمەلەرىمەن كورسەتىلەتىن مەملەكەتتىك قىزمەتتەردى كورسەتۋ ءتارتىبى (ستاندارتتار مەن رەگلامەنتتەر) ايقىندالدى;
قازاقستان رەسپۋبليكاسى ىشكى ىستەر مينيسترلىگى "قازاقستان رەسپۋبليكاسىنىڭ ۆيزالارىن بەرۋ بويىنشا قابىلداۋشى تۇلعالاردىڭ شاقىرۋلارىن قابىلداۋ جانە كەلىسۋ", "شەتەلدىكتەر مەن ازاماتتىعى جوق ادامداردىڭ قازاقستان رەسپۋبليكاسىنا كەلۋ جانە قازاقستان رەسپۋبليكاسىنان كەتۋ قۇقىعىنا قازاقستان رەسپۋبليكاسىنىڭ اۋماعىندا ۆيزانى بەرۋ, قالپىنا كەلتىرۋ جانە ۇزارتۋ" مەملەكەتتىك قىزمەتتەرىن كورسەتەدى;
قازاقستان رەسپۋبليكاسىنىڭ سىرتقى ىستەر مينيسترلىگى جانە شەت ەلدەردەگى مەكەمەلەر "قازاقستان رەسپۋبليكاسىنا كىرۋگە جانە قازاقستان رەسپۋبليكاسىنىڭ اۋماعى ارقىلى ترانزيتتىك وتۋگە ۆيزالار بەرۋ, ولاردىڭ مەرزىمىن ۇزارتۋ" مەملەكەتتىك قىزمەتىن كورسەتەدى.
قازاقستاننىڭ حالىقارالىق اۋەجايلارىندا ۆيزالاردى بەرۋ وكىلەتتىگى قر ىشكى ىستەر مينيسترلىگىنە بەرىلدى;
- ەلەكتروندى ۆيزا بەرۋ ءتارتىبى ءنورماتيۆتى تۇردە بەكىتىلدى. ءبىر مارتەلى ىسكەرلىك, تۋريستىك جانە ەمدەلۋگە ارنالعان ۆيزالاردى ەلەكتروندىق فورماتتا الا الاتىن 109 ەلدەن تۇراتىن ءتىزىم كەڭەيتىلدى جانە بەكىتىلدى. قر مەملەكەتتىك شەكاراسىنان ءوتۋ قازاقستاننىڭ بارلىق حالىقارالىق اۋەجايلارىندا جۇزەگە اسىرىلادى;
- بۇرىنعى وتانداستارعا ءوتىنىش نەگىزىندە 3 (ۇش) جىلعا دەيىنگى مەرزىمگە جەكە ساپارعا ارنالعان كوپ مارتەلى ۆيزالاردى الۋعا قۇقىق بەرىلەدى;
- ينۆەستورلار ءۇشىن ۆيزالاردىڭ قولدانىلۋ مەرزىمى ء3 (ۇش) جىلدان 5 (بەس) جىلعا دەيىن ۇلعايتىلدى;
- "قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا وزگەرىستەر مەن تولىقتىرۋلار ەنگىزۋ تۋرالى" 2019 جىلعى 30 جەلتوقسانداعى قر كونستيتۋتسيالىق زاڭىن ىسكە اسىرۋ ماقساتىندا, "استانا" حالىقارالىق قارجى ورتالىعىنىڭ" ينۆەستيتسيالىق رەزيدەنتتەرىنە ۆيزا بەرۋ ءتارتىبى ايقىندالدى;
- بيزنەس-كوشىپ كەلۋشىلەرگە شاقىرۋ رەسىمدەۋ بارىسىندا قازاقستان رەسپۋبليكاسى وبلىستارىنىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارىنىڭ قولداۋحاتىن كوشى-قون قىزمەتى ورگاندارىنا ۇسىنۋ تالابى الىنىپ تاستالدى;
- قازاقستاننىڭ اۋماعىندا "ۆ10" (جەكە), "س3" (جۇمىس) جانە "س9" ء(بىلىم بەرۋ) ۆيزالارىنىڭ ساناتتارىن "س2" ساناتىنداعى (وتباسىن بىرىكتىرۋ) ۆيزاسىنا اۋىستىرۋ مۇمكىندىگى قاراستىرىلعان;
- قازاقستاننىڭ ءدىني قىزمەت سالاسىنداعى ۋاكىلەتتى ورگانىنىڭ جازباشا كەلىسىمى بولعان جاعدايدا, قازاقستان رەسپۋبليكاسىندا ميسسيونەرلىك قىزمەتتى جۇزەگە اسىراتىن شەتەلدىكتەرگە "س7" ساناتىنداعى ۆيزاسىن ۇزارتۋعا شەكتەۋ الىنىپ تاستالدى (بۇعان دەيىن قر اۋماعىندا بۇل ۆيزانىڭ ءبىر رەت قانا ۇزارتىلۋىنا جول بەرىلگەن).
