سپورت • 09 قىركۇيەك، 2020

شاحماتتان ۇمىتكەرلەر ءتۋرنيرى 1 قاراشادا قايتا جالعاسادى

12 رەت كورسەتىلدى

بيىل كوكتەمدە رەسەيدىڭ ەكاتەرينبۋرگ قالاسىندا شاحماتتان ەرلەر اراسىندا ۇمىتكەرلەر ءتۋرنيرى وتكەن بولاتىن. الايدا كوروناۆيرۋستىڭ سالدارىنان ول ناعىز قىزعان كەزىندە توقتادى، دەپ حابارلايدى Egemen.kz.

جاعداي ءسال تۇزەلىپ، شەكارالار قايتا اشىلعان تۇستا ايتۋلى جارىستى قايتا جالعاستىرۋ جونىندە اڭگىمەلەر ايتىلا باستادى. وسى مارتەبەلى ءتۋرنيردى قابىلداۋعا بىرنەشە قالا نيەت ءبىلدىردى. فيدە مۇشەلەرىنىڭ ءبىرازى مىقتىلار تارتىسىن تبيليسيدە ۇيىمداستىرايىق دەگەن پىكىر ءبىلدىردى. الايدا كوپشىلىك داۋىسپەن باسىمدىق ەكاتەرينبۋرگكە بەرىلدى. ەندى ايتۋلى جارىس 1 قاراشادا قايتا جالعاساتىن بولادى.

ازىرگە جەتى تۋر ارتتا قالدى. كوش باسىندا – رەسەيلىك يان نەپومنياششي مەن فرانتسيالىق ماكسيم ۆاشە-لاگراۆ. ەكەۋىندە دە 4،5 ۇپايدان بار. ودان كەيىنگى ورىنداردا – فابيانو كارۋانا (يتاليا)، انيش گيري (نيدەرلاند)، الەكساندر گريششۋك (رەسەي) – 3،5 ۇپايدان جانە دين ليجەن (قىتاي) مەن كيريلل الەكسەەنكو (رەسەي) – 2،5 ۇپايدان.

ۇمىتكەرلەر تۋرنيرىندە توپ جارعان شاحماتشى الەم چەمپيونى ماگنۋس كارلسەنمەن شەبەرلىك بايقاسۋ مۇمكىندىگىنە يە بولادى. نورۆەگيانىڭ ماقتانىشى 2013 جىلدان بەرى بۇل اتاقتى ەشكىمگە بەرمەي كەلەدى.        

سوڭعى جاڭالىقتار

قازاقستاندا دوللار قىمباتتادى

ەكونوميكا • بۇگىن، 11:37

ۇقساس جاڭالىقتار