7 قىركۇيەك كۇنى Fly Arystan اۋە كومپانياسىنىڭ اتىراۋ – الماتى باعىتى بويىنشا ۇشۋ كەزەڭىندە "اۆياتسيالىق اۋە كلاپانى ىستەن شىقتى" دەگەن دابىل قوسىلدى. ەكيپاج مۇشەلەرى ءتيىستى شارالاردى جاساعانىمەن, ۇشۋداعى اقاۋدى قالپىنا كەلتىرە الماعان.
وسىعان بايلانىستى ۇشۋ اۋەجايىنا ورالۋ تۋرالى شەشىم قابىلدانىپ, ۇشاق شتاتتىق رەجىمدە قوندىرىلدى. ينجەنەرلىك-تەحنيكالىق قۇرام دەاكتيۆاتسيالاۋ ارەكەتتەرىن ورىنداعان سوڭ, اۋە كەمەسى الماتى قالاسىنا قايتا ۇشتى.
اتالعان وقيعاعا بايلانىستى اۆياتسيا قىزمەتىنىڭ وكىلدەرى "بۇل جاعداي اۆياتسيالىق ينتسيدەنتتەر تىزبەسىنە جاتپايدى (اۆياتسيالىق وقيعالاردى تەكسەرۋ قاعيدالارىنىڭ 25 جانە 26-قوسىمشالارى)", دەپ پىكىر ءبىلدىردى.
