رۋحانيات • 09 قىركۇيەك، 2020

جان جىلۋىنا جەتەر نە بار؟!

11 رەت كورسەتىلدى

وبلىستىق ىسكەر ايەلدەر قاۋىمداستىعىنا باسشىلىق ەتكەن بەس جىل ىشىندە تالاي-تالاي تاعدىر يەلەرىمەن تانىستى. ءومىردىڭ وكپەك جەلى قۇزار شىڭنىڭ باسىنا يتەرىپ اپارىپ، جول تاپپاي اڭتارىلعانداردى دا، تاعدىر قانشا سىناعىنا السا دا، تاۋى شاعىلىپ كورمەگەندەردى دە ءبىلدى.

ءومىردىڭ ءوزى كۇرەس ەكەن. ال كۇرەس قاشاندا قاجىر مەن قايراتتى تىلەيدى. ول بولماسا قادام باسقان سايىن جىگە­رىڭ قۇم، سالىڭ سۋعا كەتەتىنى انىق. كو­مەك­تەسكىسى كەلگەن. جان جىلۋىن بوي­عا دارىتاتىن جىلى سوزىمەن دە، ماتەريال­دىق كومەگىمەن دە. ءزارۋ دۇنيە قاشان تاۋ­سىلعان؟ دامەلى قويشينا كۇللى الەم­دى جالعىز قاۋىزعا سىيعىزعان جامان تۇماۋ قاھارىن توگىپ كەلگەن كەزدە، ەل ۇيىنەن شىعا الماي وشارىلىپ، قارەكەتسىز قالعان ۋاقىتتا ءبىر ءسات تىنىم تاپقان ەمەس. بۇرىنعى بۇرىنعى ما، جۇمىسى توقتاپ، كاسىبى جۇرمەي اڭتا­رىلعان قانشاما ادام كومەك سۇراعان. كاسىپكەرلەرگە قايتا-قايتا قولقا سالۋعا تۋرا كەلدى. قۇددى ءبىر ءوزى ءۇشىن، ءوزىنىڭ وتباسى ءۇشىن سۇراپ تۇرعانداي قىسىلا­تىن. ايتسە دە، مىناۋ جارىق دۇنيەدە ىزگى نيەتتى ادامنىڭ ادامگەرشىلىكتىڭ اق جولىمەن قايىرىمدىلىق جاساۋ پا­رىز ەكەنىن ۇقتىرعان. ءبىر جاقسىسى، ايتقان ءسوزى، تىلەگەن تىلەگى جەردە قالعان ەمەس. ءوزى دە ەلدىڭ وسىنداي مەيىرىمدى، قىسىلعان ۋاقىتتا قولۇشىن سوزاتىن، قوس قولتىعىنان پەرىشتەدەي جەبەپ، دە­مەپ اكەتەتىن جاناشىر جانداردىڭ بار­لىعىنا، كوپتىگىنە ىشتەي رازى. ەل بولعان سوڭ ءبىرىن-ءبىرى ەلەمەسە، ءبىرىن-ءبىرى جەبەمەسە بولا ما؟

كارانتين قوس بۇيىردەن قىسىپ، پەن­دەنىڭ پەيىلىن تارىلتىپ تۇرعان ۋاقىتتا 125 وتباسىنا ازىق-ت ۇلىك سەبەتىن تاراتىپ، كو­مەك كورسەتتى. داستارقانى جۇدەي باستاعان جۇزگە جۋىق وتباسىعا 50 مىڭ تەڭگەدەن قارجىلاي جاردەم ۇيىمداستىردى. كا­سىپكەر ايەلدەردىڭ باسىن قوسىپ، جال­عىزىلىكتى، كوپبالالى ايەلدەرگە مەيى­رىم شۋاعىن توككەن. بۇل سىناقتان دا قام­قورلىققا مۇقتاج قانشاما وتباسى ەل بىرلىگى ارقىلى ءوتتى.

«پەرىشتە بالالار» جوباسىنا دا اتسالىستى. وسى ورايدا، اۋرۋ-سىرقاۋ بالا باعىپ وتىرعان انالار وزدەرىنىڭ مىناۋ الەمدە جالعىز ەمەس ەكەندىكتەرىن ۇققان، قولداۋشى مەن قورعاۋشى بار ەكەن، بىر­گە ەكەنبىز، ءبىرىمىزدىڭ يىعىمىزعا تۇس­كەن ءزىلماۋىر سالماقتى ەكىنشىمىز يىعى­مىزدى توسىپ كوتەرۋگە بەيىل ەكەنبىز. ءزارۋ جاندار ومىراۋىن جاسقا شىلاپ جۇرسە دە، ىسكەر ايەلدەر قاۋىمداستىعىنىڭ كومەگى الدارىنان ءبىر ءۇمىتتى ساۋلە جاعىپ تۇرعانداي سەزىنگەن. بۇل ورايداعى ەڭ قيىن ءىس حيرۋرگيالىق وتا جاسالۋى ءتيىستى بالالاردى ەمدەۋگە اتسالىسۋ. جەرگىلىكتى جەردە مۇمكىن بولماعان وتا الىس-جاقىن شەتەلدە ءتاپ-ءتاۋىر جۇزەگە اسىپ جاتىر. بى­راق، قىرۋار قاراجاتتى تىلەيدى. دامەلى قويشينا باستاعان جومارت جۇرەك جاندار تسەلينوگراد، ەرەيمەنتاۋ، اقكول ءتارىزدى بىرنەشە اۋداننىڭ جيىرماعا جۋىق بالاسىنا شەت ەلدەردە وتا جاساۋعا جاردەمدەستى. ايتپاقشى، بۇل ورايدا ناعىز ازاماتقا ءتان پەيىل مەن مەيىر تانىتىپ جۇرگەن اتىمتاي جومارتتار از ەمەس.

– ماسەلەن، تسەلينوگراد اۋدانىنداعى سايرا ماتايباەۆا، ەرەيمەنتاۋداعى تور­عىن اليەۆا، ستەپنياكتاعى گۇلمايرا باي­ماقوۆا، بۋراباي اۋدانىنداعى گاۋ­حار حامزينالاردىڭ ەسىمدەرىن ايرىق­شا ىل­تيپاتپەن ايتا كەتۋگە بولادى، – دەي­دى دا­مەلى قويشينا، – اسىرەسە، سايرا اي­تەن­­قىزىنىڭ ەڭبەگى الابوتەن. ول قوس­شى اۋىلىندا جالپى قۇنى 350 ملن تەڭ­گە تۇراتىن 2630 شارشى مەترلىك، 200 وقۋ­شى­عا ارنالعان سۋ جاڭا مەكتەپ سالىپ بەردى.

قاۋىمداستىق قىرۋار شارۋا تىندىر­عان ەكەن. تاياۋدا «قىزىل وتاۋ» مەكتەبىن اشىپتى. وسى مەكتەپتە كاسىپ ىستەيمىن دەگەن، ەشكىمگە الاقان جايماي، ءوز بەتىنشە تىرشىلىك ەتەمىن دەگەن ايەلدەردى وقىتپاق. قازىر جيىرمادان استام ايەل ءارتۇرلى كاسىپتى يگەرۋدە. دامەلى قۋاتقىزىنىڭ پىكىرىنشە، ەڭ قاۋىپتىسى – ماسىلدىق. تەگىن كومەكتى ايدالادا جاتقان باتپانقۇي­رىق ەسەبىندە كورەتىندەر دە بار. كو­مەك سۇراعان ءبىر ايەلگە جىلعا جۋىق جاردەمدەسكەن. ازىق-ت ۇلىكپەن دە، ازىن-اۋلاق قارجىمەن دە. سويتسە، ول ايەل كۇيەۋىمەن بىرگە تۇرىپ جاتسا دا، زاڭ­دى تۇردە اجىراستىق دەپ قۇجات تۇز­گەن. تەپسە تەمىر ۇزەتىن وتاعاسى شىبىق باسىن سىندىرماي، قاراپ جاتادى دا، ايەل بايعۇس كۇنىمدى كورە الماي جاتىرمىن دەپ اركىمگە الاقان جايادى.

– قوعامدى ماسىلدىقتان ارىلتۋ ءۇشىن ەڭبەك ەتۋگە تاربيەلەۋىمىز كەرەك. سون­دا عانا كىسىگە كۇنىمىز تۇسپەيدى، – دەي­دى دامەلى قۋاتقىزى، – ون ەكى مۇشەسى ساۋ ادامنىڭ وزگەدەن كومەك سۇرايتىنى تۇسىنىكسىز.

بىرنەشە كوپبالالى انانىڭ باس­پا­نالى بولۋىنا جاردەمى ءتيىپتى. ماسە­لەن، جەتى بالانىڭ اناسى مارينا بەح­تولد باسپاناعا زار بولىپ قينال­عان­دا، ا.مىرزاحمەتوۆ اتىنداعى كوك­شە­تاۋ ۋنيۆەرسيتەتىنىڭ رەكتورى ءمادي ەلۋ­باەۆقا بەدەلىن سالىپ بارۋىنا تۋرا كەل­گەن. ءمادي ساعىنتاي ۇلى ءوزىنىڭ ءبىر كەزدەگى ۇستازىنىڭ تىلەگىن ەكى ەتپەي، كوپ­بالالى اناعا باسپانا ساتىپ اپەرىپتى.

قانشاما جاندى جۇرەك جىلۋىمەن قاناتتاندىرىپ كەلە جاتقان ىسكەر ايەلدەر قاۋىمداستىعى الداعى ۋاقىتتا دا مەيىرىم شاپاعاتىن توگە بەرمەك.

 

اقمولا وبلىسى

 

سوڭعى جاڭالىقتار

قوستانايعا العاشقى قار ءتۇستى

ايماقتار • بۇگىن، 10:02

سالىمشىلارعا 887 پاتەر

ايماقتار • بۇگىن، 09:10

قىسقا دايىندىق تولىق اياقتالدى

ايماقتار • بۇگىن، 07:46

قاجەتتى وتىننىڭ 70%-ى جەتكىزىلدى

ايماقتار • بۇگىن، 07:43

قارسىلاسى اۋىرىپ قالىپتى

سپورت • بۇگىن، 07:38

چەمپيوندار ليگاسى باستالدى

فۋتبول • بۇگىن، 07:36

فرانتسياعا جول ءتۇسىپ تۇر

وقيعا • بۇگىن، 07:33

بوتەنگە سالەم

رۋحانيات • بۇگىن، 07:19

قوس ىشەكتى قوڭىرىم

رۋحانيات • بۇگىن، 07:14

وڭتايلى ينتەگراتسيالانعان جۇيە

ەكونوميكا • بۇگىن، 07:13

نە وقىپ ءجۇرسىز؟

تانىم • بۇگىن، 07:00

ۇقساس جاڭالىقتار