پرەزيدەنت ترامپ "ەڭبەك كۇنىنە" وراي سويلەگەن سوزىندە: "ۆاكتسينا رەكوردتىق مەرزىمدە ازىرلەنەدى. بۇل پروتسەسس – ەكى-ءۇش جىلعا سوزىلۋى مۇمكىن, الايدا ءبىز ونى وتە قىسقا مەرزىمدە جانە ساپالى ەتىپ شىعارامىز", دەيدى اق ءۇي باسشىسى.
ونىڭ ايتۋىنشا, الداعى قازان ايىندا ازىرلەنەتىن ۆاكتسينا ادام اعزاسىنا قاۋىپسىز ءارى ءتيىمدى.
اقش-تا ۆاكتسينالاردىڭ ءبىرازى سىناقتان ءوتتى. ولاردىڭ كوپشىلىگى Moderna بيوتەحنولوگيالىق كومپانياسىمەن بىرلەسىپ ازىرلەنگەن.
ۇكىمەت تاراپى اۋرۋلاردى باقىلاۋ جانە الدىن الۋ ورتالىقتارىنا (CDC) كوروناۆيرۋسقا قارسى ۆاكتسينا قازان ايىنىڭ سوڭىنا نەمەسە قاراشانىڭ باسىنا دەيىن دايىن بولۋىن مىندەتتەدى.
كەيبىر اقپاراتتار لەگىنەن بۇل ترامپ اكىمشىلىگىنىڭ سايلاۋالدى باعدارلاماسىنا ەنگەن كەزەكتى قىسىمى كورىنەدى. COVID-19 ۆاكتسيناسىن ماقۇلداۋ ءۇشىن دەنساۋلىق ساقتاۋ سالاسىنىڭ شەنەۋنىكتەرىنە قىسىم جاسادى دەپ تە ايىپتالىپ وتىر.
