"جاڭا كوروناۆيرۋستىق ينفەكتسيانىڭ الدىن الۋعا ارنالعان ۆاكتسينانىڭ العاشقى پارتياسى "گام-كوۆيد-ۆاك" (سپۋتنيك V) روسزدراۆنادزور زەرتحانالارىندا قاجەتتى ساپا سىناقتارىنان ءوتىپ, ازاماتتىق اينالىمعا شىعارىلدى", دەلىنگەن حابارلامادا.
ۆاكتسينانى ن. ف. گامالەيا اتىنداعى ۇلتتىق ەپيدەميولوگيا جانە ميكروبيولوگيا عىلىمي-زەرتتەۋ ورتالىعى جاساعان.
بۇعان دەيىن رەسەيدىڭ دەنساۋلىق ساقتاۋ ءمينيسترى ميحايل مۋراشكو "ازاماتتىق اينالىم" ءسوزىن حالىقتى, دارىگەرلەر مەن مۇعالىمدەردى ۆاكتسينالاۋ دەپ تۇسىندىرگەن بولاتىن.
رەسەيدىڭ دەنساۋلىق ساقتاۋ مينيسترلىگى ساۋدا جانە قىزمەت كورسەتۋ سالاسىنىڭ قىزمەتكەرلەرىنە, پوليتسيا قىزمەتكەرلەرىنە, اسكەرگە شاقىرىلۋشىلارعا, ستۋدەنتتەر مەن مەكتەپ وقۋشىلارىنا, الەۋمەتتىك قورعاۋ, قوعامدىق تاماقتاندىرۋ قىزمەتكەرلەرىنە, جۇمىسى كوپتەگەن ادامدارمەن تىكەلەي بايلانىستا بولاتىن باسقا ۇيىمداردىڭ قىزمەتكەرلەرىنە جاپپاي ەكپە سالدىرۋدى ۇسىنىپ وتىر.
