مينسكىدەگى ساتسىزدىكتەن سوڭ قازاقستاندىق كوماندانىڭ باپكەرلەرى قۇراماعا ءبىراز وزگەرىس ەنگىزگەن ەدى. الايدا ودان دا وڭدى ناتيجە شىقپادى. باسەكە باستالعان بەتتە ويىن تىزگىنىن قولعا العان تسسكا-نىڭ سايىپقىراندارى قاقپامىزعا قاتارىنان ەكى شايبا سوقتى.
بۇل گولداردىڭ اۆتورلارى – ماكسيم مامين (8 مينۋت) مەن اندرەي سۆەتلاكوۆ (11 مينۋت). ۇزىلىسكە دەيىن "بارىس" ەسەپ ايىرماشىلىعىن قىسقارتتى. 17 مينۋتتا نيكيتا ميحايليس قارسىلاستار قاقپاسىنان ساڭلاۋ تاپتى. ەكىنشى كەزەڭنىڭ سوڭىندا قوناقتاردىڭ ەكى بىردەي ويىنشىسى مۇز ايدىنىنان قۋىلدى. بۇل جاعدايدا جەرگىلىكتى حوككەيشىلەر ۇتىمدى پايدالاندى. 37 مينۋتتە انتون سلەپىشەۆ مەرگەندىك تانىتتى – 3:1. ودان كەيىن قوس ۇجىم قانشا جانتالاسقانىمەن, تابلوداعى ەسەپ وزگەرگەن جوق.
10 قىركۇيەكتە "بارىس" قىتايدىڭ "كۋنلۋن" كلۋبىن قابىلدايدى. قوس بىردەي ساتسىزدىكتەن جەرلەستەرىمىز ءتيىستى قورىتىندى شىعارىپ, بۇل جولى ءوز جانكۇيەرلەرىن قۋانتادى دەپ ۇمىتتەنەمىز.
