قابىلدانعان شارالاردىڭ وڭ ناتيجەسى
– كارانتيندىك ءىس-شارالار ارقىلى بۇگىنگە دەيىن الماتىدا ۆيرۋس جۇقتىرعان بالالار سانى 2,5-3%-دان اسپادى. الەۋمەتتىك قاشىقتىقتىڭ جانە گيگيەنالىق شارالاردىڭ ساقتالماۋى, بالالار اراسىندا ينفەكتسيا مەن اۋرۋدىڭ كۇرت وسۋىنە اكەلەتىنىن ءبارىمىز جاقسى تۇسىنەمىز. سونىمەن قاتار ماۋسىمدىق جرۆي-ءدىڭ ءورشۋى مۇمكىن, بۇل COVID-19 ۆيرۋسىمەن بىرگە اۋرۋدىڭ اعىمىن قيىنداتادى جانە اۋىر اسقىنۋلارعا اكەلۋى ىقتيمال.
ءارتۇرلى جاستاعى بالالارعا ەرەكشە نازار اۋدارۋ كەرەك, ويتكەنى ولار اۋرۋ تاراتۋدا ۇلكەن ءرول اتقارادى. پاتوگەننىڭ COVID-19 كونتاگيوزى جوعارى, سوندىقتان ۆيرۋس جۇقتىرعان بالالار وزدەرىنىڭ جاعدايىنىڭ اۋىرلىعىنا جانە اۋرۋدىڭ كلينيكالىق كورىنىسىنە بايلانىستى ۇيدە وقشاۋلانۋى نەمەسە اۋرۋحاناعا جاتۋى ءتيىس, – دەيدى «بالالار قالالىق كلينيكالىق جۇقپالى اۋرۋلار اۋرۋحاناسى» شجق مكك باس دارىگەردىڭ ەمدەۋ ءىسى جونىندەگى ورىنباسارى جۇماگۇل ەشىبەكوۆا.
مەگاپوليستە پاندەميا كەزىندە قابىلدانعان شارالار ناتيجەسىن بەردى. سوڭعى جاڭالىقتىڭ ءبىرى, پەريناتولوگيا جانە بالالار كارديوحيرۋرگياسى ورتالىعىنان COVID-19-دان ساۋىققان سوڭعى ناۋقاس شىعارىلدى
«كەشە ءبىز ەكى جاقتى پنەۆمونيامەن اۋىراتىن سوڭعى ناۋقاستى شىعاردىق. ناۋقاستىڭ جاعدايى جاقسى, ءبىزدىڭ دارىگەرلەرگە وتە ريزا. ەندى ورتالىقتاعى جۇقپالى اۋرۋ-پروۆيزورلىق بولىمشەسىن كارديوحيرۋرگيالىق بولىمشەگە جوسپارلى ەمدەۋگە جاتقىزۋدىڭ قايتا جاندانۋىنا بايلانىستى جاۋىپ تاستادىق», دەيدى ورتالىق ديرەكتورى عاني بودىقوۆ.
اتالعان ورتالىقتا 118 ناۋقاس ەمدەلدى, 48 بالا قابىلداندى, جۇكتى ايەلدەرگە 20 كەسارەۆ تىلىگى جاسالدى. ەڭ باستىسى, ناۋقاستار اراسىندا كوروناۆيرۋستان ءولىم جاعدايى تىركەلگەن جوق.
تۇماۋعا ءجيى شالدىعاتىندار كىمدەر؟
قالادا COVID-19 ۆيرۋسى ازايعانىنا قاراماستان, دەنساۋلىق ساقتاۋ جۇيەسىنىڭ بارلىق دەڭگەيىندە اۋقىمدى جۇمىس جالعاسىپ جاتىر. بيىلعى 10 قىركۇيەكتە الماتىدا تۇماۋعا قارسى ەكپە جۇرگىزۋ باستالادى. تۇماۋعا قارسى تەگىن ەكپەنى 400 مىڭنان استام الماتىلىق الادى. دەگەنمەن, ماماندار كۇزدە COVID-19 ۆيرۋسىنىڭ ءوسۋ ىقتيمالدىعىن جوققا شىعارمايدى.
«كۇزدە سوزىلمالى ماۋسىمدىق اۋرۋلاردىڭ كۇشەيەتىن ۋاقىتى, ادامدار جرۆي جانە تۇماۋمەن ءجيى اۋىرا باستايدى. ادەتتە, ادامنىڭ يممۋنيتەتى تومەندەيدى جانە كەز كەلگەن ينفەكتسياعا قارسى تۇرا المايدى, سونىڭ ىشىندە COVID-19 ۆيرۋسىمەن تەز اۋىرىپ قالۋى ىقتيمال. سوندىقتان تۇماۋ ينفەكتسياسىنان سەنىمدى قورعانىس شارالارىمەن قورعانۋ وتە ماڭىزدى», دەيدى №4 قالالىق ەمحانانىڭ باس دارىگەرى زۋحرا ۋماروۆا.
قازىر ەمحانالارعا تىركەلگەن تۇرعىندار اراسىندا ساناق جۇرگىزىلىپ, تاۋەكەل توبىنا جاتاتىنداردىڭ ساناتى انىقتالدى. وسىلايشا, قالانىڭ 400 مىڭنان استام تۇرعىنى تۇماۋعا قارسى تەگىن ەكپە الادى. ولاردىڭ ىشىندە 65 جاستان اسقان ادامدار سانى – 264 مىڭ, سوزىلمالى اۋرۋى بارلار – 125 مىڭ, 22 مىڭ بالا, 9 مىڭ مەديتسينا قىزمەتكەرى, 7 مىڭنان استام جۇكتى ايەل بار. وسىعان بايلانىستى تۇماۋراتۋعا بەيىم تۇرعىندار اراسىندا تەگىن ۆاكتسينالاۋدىڭ اۋقىمدى قالالىق باعدارلاماسى باستالدى.
ەمحانالاردا ادامدار كوبەيمەۋى ءۇشىن ۆاكتسينالاۋ ازىرلەنگەن كەستەگە سايكەس 30 قاراشاعا دەيىن جۇرگىزىلەدى. بۇل شارانى 1500 مەديتسينا قىزمەتكەرى بار 370 ەگۋ بريگاداسى اتقارادى.
«تاۋەكەل توبىنداعىلاردان» تۋبەركۋلەزدى انىقتايدى
سونىمەن قاتار قىركۇيەك ايىندا 1-سىنىپ وقۋشىلارى اراسىندا تۋبەركۋلەزگە قارسى رەۆاكتسيناتسيا جۇرگىزىلەدى. پروتسەدۋرا كۇندىزگى ۋاقىتتا مەكتەپتەردىڭ ەگۋ كابينەتتەرىندە جۇرگىزىلەدى. مۇنداي تاجىريبە كارانتيندىك شارالار ەنگىزىلگەنگە دەيىن قولدانىلدى.
ۋچاسكەلىك دارىگەرلەر 1 قىركۇيەككە دەيىن مانتۋ سىناماسى بويىنشا تەكسەرىلەتىن 1-سىنىپ وقۋشىلارىنىڭ ءتىزىمىن جاساعان بولاتىن. 4 قىركۇيەكتەن باستاپ بالالاردى اتا-انالارىمەن مەكتەپكە مانتۋ سىناماسى مەن بتسج رەۆاكتسيناتسياسىنا شاقىرا باستادى.
ء«بىزدىڭ №11 قالالىق ەمحانا جەتىسۋ اۋدانىنىڭ 6 مەكتەبىنە قىزمەت كورسەتەدى. بارلىق سىنىپتا ساباق كەستەسى ءارتۇرلى بولعاندىقتان, سول ساباق كەستەسىنە بايلانىستى قۇرىلدى جانە وقۋشىلاردىڭ باسىم كوپشىلىگى قاشىقتان وقيدى. 6 مەكتەپ بويىنشا 800-گە جۋىق 1-سىنىپ وقۋشىلارىن قامتۋدى جوسپارلاپ وتىرمىز. بيىل اتا-انالار جوعارى بەلسەندىلىك تانىتىپ وتىر. ەپيدەميالىق جاعدايعا بايلانىستى باس تارتقان جاعدايلار دا كەزدەستى», دەيدى №11 قالالىق ەمحانانىڭ باس دارىگەردىڭ ەمدەۋ-پروفيلاكتيكالىق جۇمىستار جونىندەگى ورىنباسارى الماش ارداباەۆا.
الماتى
