ەلوردا تۇرعىندارى تۇماۋعا قارسى ەكپە الا الادى. ول ءۇشىن پاتسيەنت ءوزى تىركەلگەن ەمحاناعا جۇگىنۋى كەرەك. پرەپارات كەپىلدەندىرىلگەن تەگىن مەديتسينالىق كومەك پاكەتىنە كىرەدى.
"تۇماۋدىڭ الدىن الۋدىڭ نەگىزگى ءادىسى – انتيدەنەلەردى قالىپتاستىراتىن ۆاكتسينا. دەنەدەگى قورعانىس اگەنتتەرى ۆيرۋستاردى ولتىرەدى جانە جويادى. بۇل ءادىس الدىن الا قولدانىلۋى كەرەك. سوندىقتان نۇر-سۇلتاندا 4 قىركۇيەكتەن باستاپ رەسەيلىك ۆاكتسينا پايدا بولدى. 0,5 شپريتسكە قۇيىلعان دايىن ەكپە يىقتاعى بۇلشىقەتكە سالىنادى", دەپ اتاپ ءوتتى №10 قالالىق ەمحانانىڭ جوعارى ساناتتى دارىگەر-پەدياترى جانكۇمىس شايحيسلياموۆا.
ۆاكتسينانى التى ايلىق بالالارعا دا قولدانۋعا بولادى. پرەپارات تاۋىق اقۋىزىنا اللەرگياسى بار ادامدارعا عانا رۇقسات ەتىلمەگەن.
"سونداي-اق, قولىڭىزدى سابىنمەن ءجيى جۋىپ, دەزينفەكتسيالىق ەرىتىندىلەردى قولدانۋدى ۇسىنامىن. قولدى جۋ تەك ىشەك ينفەكتسيالارىنان عانا ەمەس, سونىمەن قاتار ۆيرۋستىق ينفەكتسيالار مەن تۇماۋدان دا قورعايدى. مۇرىن قۋىسىن ءالسىز تۇزدى ەرىتىندىمەن جۋ دا كومەكتەسەدى. مۇرىندى جۋ ىڭعايسىز بولعاندىقتان, كەيدە مايلى ەمۋلسيالار قولدانىلادى. مىسالى, "وكسولين مايى", ونىڭ كۇشى ءالسىز بولعانىمەن دە, اعزاعا ۆيرۋستىڭ تارالماۋىنا ىقپال ەتەدى. ۆيرۋس اۋىز بەن مۇرىننىڭ شىرىشتى قاباتتارى ارقىلى ەنەدى, سوندىقتان ولاردى ءجيى شايۋ كەرەك", دەپ ءتۇسىندىردى دارىگەر.
اعزانى نىعايتۋ ءۇشىن حالىقتىق ادىستەر دە كومەكتەسەدى, دەيدى دارىگەرلەر. سونىمەن قاتار, مۋلتيۆيتاميندەردى قابىلداپ, دۇرىس تاماقتانۋ دا ماڭىزدى.
