سەبەبى ءوتىنىش بىلدىرگەندەردىڭ باسىم كوپشىلىگى شاعىن جانە ورتا بيزنەس سۋبەكتىلەرى مەن ۇكىمەتتىك ەمەس ۇيىمدارداردىڭ وكىلدەرى. وسىلايشا, Nur Otan پارتياسىنا قاراستى الماتى قالالىق فيليالىنىڭ پرايمەريزگە قاتىسۋشىلارى وزدەرىنىڭ ۇگىت-ناسيحات جۇمىستارىن باستاپ تا كەتتى.
قازىرگى كۇنى الماتى قالاسى بويىنشا 230 ۇمىتكەر تىركەلدى. ونىڭ ىشىندە 185 ادام "ماسليحاتقا", ال 45-ءى "ماجىلىسكە" ءوتىنىشىن بەرگەن.
ەڭ قىزىعى, ءبىر دەپۋتتاتىق ورىنعا 10-نان اسا قاتىسۋشى ۇمىتتەنىپ وتىر. "Nur Otan" پارتياسى الماتى قالالىق فيليالى توراعاسىنىڭ ءبىرىنشى ورىنباسارى ستانيسلاۆ كانكۋروۆتىڭ ايتۋىنشا, قاتىسۋشىلاردىڭ ورتاشا جاسى 42 جاستى قۇرايدى.
وسى كۇندە الماتى شاھارى شاعىن جانە ورتا بيزنەس سۋبەكتىلەرى وكىلدەرىنىڭ سانى بويىنشا كوش باستاپ كەلەدى. ماسەلەن, شوب سەكتورى – 53%, ۇيىمدار مەن كومپانيالار سانى 122 بولسا, ۇكىمەتتىك ەمەس ۇيىمداردار – 14,3% قۇراپ وتىر. ال 33-كە جۋىق كومپانيا رەسپۋبليكا بويىنشا پرايمەريزگە قاتىسۋعا نيەت ءبىلدىردى.
ەستەرىڭىزگە سالا كەتەيىك, كانديداتتاردىڭ ۇگىت-ناسيحات جۇمىستارى ZOOM ارقىلى وتكىزىلەدى. باستاۋىش پارتيا ۇيىمدارىنىڭ توراعالارىمەن ونلاين-كەزدەسۋلەر, اشىق الاڭداردا نەمەسە سانيتاريالىق نورمالاردى قاتاڭ ساقتاي وتىرىپ, جەلدەتىلەتىن ءۇي-جايلاردا وفلاين-كەزدەسۋلەر ارقىلى جۇرگىزىلەتىن بولادى. سونداي-اق, Nur Otan پارتياسى فيليالدارىنىڭ رەسمي اككاۋنتتارى ارقىلى تىكەلەي ەفير ۇيىمداستىرىلادى.
سونىمەن قاتار 14 قىركۇيەكتەن باستاپ, الماتىنىڭ ءار اۋدانىندا پرايمەريز قاتىسۋشىلارى پىكىرسايىسقا قاتىسادى. ول ءۇشىن اشىق تۇردە جەرەبە تاستاۋ جانە قاتىسۋشىلاردى ءبولۋ جۇرگىزىلەدى. ۇگىت-ناسيحات جانە پىكىرتالاس 3 قازانعا دەيىن جالعاسادى. ناتيجەلەرى وسى جىلدىڭ 5 قازانىندا بەلگىلى بولادى.
جەڭىمپازدار پارلامەنت جانە جەرگىلىكتى ورگاندار بويىنشا پارتيا دەپۋتاتتىعىنىڭ تىزىمىنە ەنەدى.
