اشىق نورماتيۆتىك-قۇقىقتىق اكتىلەر پورتالىندا "قازاقستان رەسپۋبليكاسىنىڭ اۋماعىندا شەكتەۋ ءىس-شارالارىن, ونىڭ ىشىندە كارانتيندى جۇزەگە اسىرۋ قاعيدالارىن جانە پايدا بولۋ جانە تارالۋ قاۋپى تونگەن كەزدە شەكتەۋ ءىس-شارالارى, ونىڭ ىشىندە كارانتين ەنگىزىلەتىن ينفەكتسيالىق اۋرۋلاردىڭ تىزبەسىن بەكىتۋ تۋرالى" بۇيرىق جوباسى جاريالاندى.
"شەكتەۋ ءىس-شارالارىن, ونىڭ ىشىندە كارانتيندى جۇزەگە اسىرۋ قاعيدالارى "حالىق دەنساۋلىعى جانە دەنساۋلىق ساقتاۋ جۇيەسى تۋرالى" قازاقستان رەسپۋبليكاسىنىڭ 2020 جىلعى 7 شىلدەدەگى كودەكسىنە سايكەس ازىرلەندى", - دەلىنگەن قاۋلى جوباسىندا.
شەكتەۋ ءىس-شارالارى, ونىڭ ىشىندە كارانتيندى جۇزەگە اسىرۋ قاعيدالارى ينفەكتسيالىق اۋرۋلاردىڭ شەتەلدەن قازاقستان اۋماعىنا اكەلىنۋ قاۋپى كەزىندە, رەسپۋبليكادا, قازاقستاننىڭ جەكەلەگەن اۋماقتارىندا جانە وبەكتىلەرىندە ينفەكتسيالىق اۋرۋلار جاعدايلارى تۋىنداعان كەزدە شەكتەۋ ءىس-شارالارىن, ونىڭ ىشىندە كارانتيندى جۇزەگە اسىرۋ ءتارتىبىن ايقىندايدى.
شەكتەۋ ءىس-شارالارى, ونىڭ ىشىندە كارانتين قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ نەمەسە ءتيىستى اكىمشىلىك-اۋماقتىق بىرلىكتىڭ (كولىكتەگى) باس مەملەكەتتىك سانيتاريالىق دارىگەرىنىڭ قاۋلىسىمەن, سونداي-اق وزگە دە مەملەكەتتىك ورگانداردىڭ ۆەدومستۆولىق وبەكتىلەرىندە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگاننىڭ قۇرىلىمدىق بولىمشەلەرىنىڭ باس مەملەكەتتىك سانيتاريالىق دارىگەرىنىڭ شەشىمىمەن ەنگىزىلەدى (كۇشىن جويادى).
پايدا بولۋ جانە تارالۋ قاۋپى تونگەن كەزدە شەكتەۋ ءىس-شارالارى, ونىڭ ىشىندە كارانتين ەنگىزىلەتىن ينفەكتسيالىق اۋرۋلاردىڭ تىزبەسى
