توتەنشە جاعداي رەجيمى كاليفورنيانىڭ ورتالىق بولىگىندەگى فرەسنو, مادەرا جانە ماريپوسا وكرۋگتەرىندە, سونداي-اق شتاتتىڭ وڭتۇستىگىندەگى سان بەرناردينو جانە سان-ديەگو وكرۋگتەرىندە ەنگىزىلەدى.
ء"ورت سالدارىنان ونداعان مىڭ گەكتار جەر ورتەنىپ, ۇيلەر قيرادى. مىڭعا جۋىق تۇرعىن ەۆاكۋاتسيالاندى", - دەپ اتاپ ءوتتى گ.نيۋسوم.
بۇعان دەيىن شتات گۋبەرناتورى اپتاپ ىستىق پەن تابيعي ورتتەرگە بايلانىستى 18 تامىزدا شتات دەڭگەيىندە توتەنشە جاعداي رەجيمىن ەنگىزگەن بولاتىن. بۇل شارالار جەرگىلىكتى بيلىك ورگاندارىنا كەيبىر قوسىمشا قورلارعا قول جەتكىزۋگە جانە ءورتتىڭ سالدارىن جويۋ كەزىندە كوبىرەك رەسۋرستاردى پايدالانۋعا مۇمكىندىك بەرەدى.
ءتىلسىز جاۋ ىستىق جانە قۇرعاق اۋا-رايىنا بايلانىستى شتات اۋماعىندا تەز تارالىپ جاتىر. اتالعان شتاتتا بارلىعى 58 وكرۋگ بار.
