مەديتسينا • 07 قىركۇيەك، 2020

دەنساۋلىق ساقتاۋ سالاسىنا ءجىتى كوڭىل بولىنەدى

12 رەت كورسەتىلدى

دەنساۋلىق ساقتاۋ ءمينيسترى الەكسەي تسوي ۇكىمەت وتىرىسىندا مەملەكەت باسشىسى قاسىم-جومارت توقاەۆتىڭ جولداۋىنداعى تاپسىرمالار بويىنشا بايانداما جاساپ، پرەمەر-مينيستر اسقار مامينگە بيىل جانە الداعى ۋاقىتتا اتقارىلاتىن جوس­پارلارىن جەتكىزدى.

ۆەدومستۆو باسشىسى كورو­نا­­ۆيرۋستىق ينفەكتسياعا قار­سى كۇرەسىپ جاتقان مەديتسينا قىز­مەت­كەرلەرىنە ۇستەمەاقى وسى جىلدىڭ سوڭىنا دەيىن جال­عاساتىنىن ايتتى. ناۋرىز بەن شىلدە ايى ارالىعىندا جالپى سوماسى 59،6 ملرد تەڭگەگە ۇستەمە­اقى تولەنگەن بولاتىن. ەندى تاعى دا قوسىمشا 150 ملرد تەڭگە بو­لىنەدى. ءتيىستى ەسەپتەۋلەر قارجى مينيسترلىگىنە ەنگىزىلدى.

سونىمەن قاتار مەملەكەت باس­شىسى بيىلدان باستاپ 2023 جىلعا دەيىن دارىگەرلەر مەن ساني­تارلىق-ەپيدەميالىق قىزمەت ماماندارىنىڭ جالاقىسىن ەكو­نوميكاداعى ورتاشا ەڭبەك­اقىدان ەكى ەسەگە ارتتىرۋدى تاپسىرعانى ءمالىم. 2021-2023 جىلدارعا ار­نالعان رەسپۋبليكالىق بيۋدجەت تۋرالى زاڭدا اتالعان شىعىندار قاراستىرىلعان. 247 مىڭ مەديتسينا قىزمەتكەرىنىڭ جالاقىسىن كەزەڭ-كەزەڭمەن ارتتىرۋ شىعىندارى: 2021 جىلى – 222،3 ملرد تەڭگە، 2022 جىلى – 361،7 ملرد تەڭگە، 2023 جىلى – 557،5 ملرد تەڭگە.

دەنساۋلىق ساقتاۋ مينيسترلىگى يندۋستريا جانە يننوۆاتسيالىق دامۋ مينيسترلىگىنە وتاندىق فارماتسەۆتيكا جانە مەديتسينالىق ونەركاسىپتى دامىتۋ بويىنشا حالىقارالىق ستاندارتتارعا سايكەس نەگىزدەلگەن كەشەندى ۇسىنىس ەنگىزەدى. حالىقتىڭ سۇرانىسىنا سايكەس ءوزىنىڭ تيىمدىلىگىن كورسەتكەن ءدارى-دارمەكتەرگە باسىمدىق بە­رىلەدى.

سونداي-اق 13 جۇقپالى اۋرۋلار اۋرۋحاناسى سالىنادى. قازىرگى ۋاقىتتا وبلىس اكىمدىكتەرى 12 ءمو­دۋلدى ينفەكتسيالىق اۋرۋحا­نا­نىڭ قۇرىلىس جۇمىستارىن قار­قىندى جۇرگىزىپ جاتىر. تاعى ءبىر اۋرۋحاناعا كەشەندى جاڭعىرتۋ جاسالۋدا جانە الداعى قازان ايىندا قولدانىسقا بەرىلەدى. ۆيرۋستىڭ ەكىنشى تولقىنىنا دايىندىق جان-جاقتى جۇرگىزىلۋدە. قوسىمشا 2700 ينفەكتسيالىق توسەك-ورىن دايىندالۋدا.

2025 جىلعا قاراي مەملەكەت-جەكەمەنشىك ارىپتەستىگى ەسەبىنەن سۋ جاڭا 20 مەديتسينالىق ورتالىق قۇرىلادى. ياعني جوعارى تەحنولوگيامەن جابدىقتالعان كوپبەيىندى مەديتسينالىق مەكەمەلەر پايدا بولادى. وعان شامامەن 1،5 ترلن تەڭگە ينۆەستيتسيا تارتىلادى دەپ جوسپارلانعان.

2021 جىلدىڭ سوڭىنا قاراي الماتى مەن نۇر-سۇلتان قالا­لارىندا ارقايسىسىندا 500 توسەك-ورىن بار كوپبەيىندى عىلىمي-زەرتتەۋ ورتالىقتارى سالىنادى. بۇل ەپيدەميالىق قاۋىپ-قاتەر­لەردىڭ الدىن الۋعا مول مۇمكىندىك بەرەدى. 

مەملەكەت باسشىسىنىڭ تاپسىرماسىنا سايكەس العاشقى مەدي­تسينالىق كومەكتىڭ قىزمەتى قايتا قارالادى. دەنساۋلىق ساقتاۋ مي­نيسترلىگى وسى باعىتتا حالىققا كورسەتىلەتىن قىزمەتتىڭ ساپاسىن جانە قولجەتىمدىلىگىن ارتتىرۋ بو­يىنشا 2021-2023 جىلدارعا دەيىنگى كەشەندى جوسپار ازىرلەيدى. اتاپ ايتقاندا، ەلدى مەكەندەردەگى فەلدشەرلىك-اكۋشەرلىك، دارى­گەرلىك امبۋلاتوريالىق پۋنكت­تەردىڭ ماتەريالدىق-تەحنيكالىق جاع­دايىنا ايرىقشا ءمان بەرىلەدى.

شالعايداعى ەلدى مەكەندەر ءۇشىن كولىكتىك مەديتسينا مەحانيزمى داميدى. وسى ماقساتتا جىلجىمالى تۇرعىدا جۇمىس ىستەيتىن 100 مەديتسينالىق كەشەن ساتىپ الى­نادى. وسىلايشا، اۋداندىق اۋرۋحانالاردىڭ قاجەتتىلىگى 100 پايىزعا قامتىلادى.

2020 جىلى «برك-ليزينگ» اق ارقىلى جەدەل جاردەم قىز­مەتتەرىن 1167 بىرلىك وتاندىق سا­نيتارلىق اۆتوكولىكتەرمەن قام­تۋ جوسپارلانعان. بۇل رەتتە اۋىلدىق جەردەگى مەديتسيناعا ايرىق­شا نازار اۋدارىلادى.

دەنساۋلىق ساقتاۋ سالاسىنداعى ماماندار تاپشىلىعىن رەتتەۋدىڭ 10 جىلعا ارنالعان جوسپارى ازىر­لەنەدى. ەپيدەميولوگ، ين­فەك­تسيو­نيست، رەانيماتولوگ، پۋل­مو­نولوگ، كارديولوگ سىندى مامان­دىقتارعا باسىمدىق بەرىلەدى.

ۆەدومستۆو باسشىسى «اڭساعان ءسابي» باعدارلاماسى اياسىندا 2021 جىلى ەكو-عا بولىنەتىن كۆوتا كولەمى 7 ەسەگە دەيىن كوبەيەتىنىن جانە اتالعان باعىتتاعى جۇمىس­تاردىڭ ساپالى ورىندالۋ بارىسى قاداعالاناتىنىن اتاپ ءوتتى.

 

 

 

سوڭعى جاڭالىقتار

ۇقساس جاڭالىقتار