ايماقتار • 05 قىركۇيەك، 2020

ابىلقايىر سقاقوۆ پاۆلوداردىڭ مادەنيەت جانە قوسىمشا ءبىلىم بەرۋ مەكەمەلەرىنە باردى

15 رەت كورسەتىلدى

پاۆلودار وبلىسىنىڭ اكىمى مۋزىكالىق كوللەدجدى، دارىندى بالالارعا ارنالعان مۋزىكا مەكتەبىن، شافەردىڭ مۋزەي ءۇيىن، سونداي-اق كاتاەۆ اتىنداعى وقۋشىلار سارايىن ارالادى، دەپ حابارلايدى رavlodarnews.kz.

وبلىس اكىمى ءباسپاسوز قىزمەتىنىڭ مالىمەتىنشە، ءوڭىر باسشىسى مۋزىكالىق كوللەدجگە تانىمال وپەرا ءانشىسى جانە پەداگوگ شاحيماردان ابىلوۆپەن بىرگە باردى. قوناقتار ۆوكالدىق ءان ايتۋ مەن مۋزىكالىق اسپاپتاردا ويناۋدى ۇيرەنەتىن سىنىپتاردا بولدى. جەرگىلىكتى كىتاپ قويماسىندا ءارتىس بۇل قازاقستانداعى ەڭ ۇزدىك مۋزىكا كىتاپحانالارىنىڭ ءبىرى ەكەنىن اتاپ ءوتتى.

"مۇندا ەڭ تاپشى نوتالاردى تابۋعا بولادى"، - دەدى شاحيماردان ءابىلوۆ. - ءتىپتى كونسەرۆاتوريالاردا دا مۇنداي كىتاپحانالار جوق، بۇل بالالاردى وقىتۋعا ارنالعان وتە مىقتى بازا.

كونتسەرت زالىندا كوللەدج تۇلەكتەرى مەن وقۋشىلارى بەلگىلى بايانشى، قازاقستاندىق جانە حالىقارالىق كونكۋرستاردىڭ لاۋرەاتى ولجاس نۇرلانوۆتىڭ قاتىسۋىمەن مۋزىكالىق قويىلىم ۇيىمداستىردى.

1

مۋزىكالىق كوللەدجدىڭ باسقا كورپۋسىندا شاحيماردان ءابىلوۆ ابىلقايىر سقاقوۆقا اۆتورلىق ۆوكال مەكتەبىن تانىستىردى. مۇندا بالالار اكادەميالىق ءان ايتۋدى ۇيرەنۋگە جانە مۋزىكالىق مانساپقا العاشقى قادامدارىن جاساۋعا مۇمكىندىك الادى.

ودان كەيىن پاۆلودار وبلىسىنىڭ اكىمى 30 مىڭعا جۋىق گرامپلاستينكا ساقتالعان شافەردىڭ بىرەگەي مۋزەي ءۇيىن ارالادى. مۇراجايدىڭ نەگىزىن قالاۋشى 89 جاستاعى ناۋم شافەر پلاستينكالاردى قالاي جيناي باستاعانىن جانە قازىر كوللەكتسياسىنداعى جازبالار ساندىق فورماتقا اۋدارىلاتىنىن ايتتى. ءوز قوناقتارى ءۇشىن مۋزىكاتانۋشى "قاراتورعاي" ءانى جازىلعان 1938 جىلعى پلاستينكانى قويدى.

"وسىنداي مۋزىكالىق كوللەكتسيانى، ناعىز ۇلتتىق قازىنانى جيناۋداعى وراسان زور ەڭبەگىڭىز ءۇشىن ۇلكەن راحمەت"، - دەدى ءوڭىر باسشىسى ناۋم شافەرگە.

ابىلقايىر سقاقوۆ كاتاەۆ اتىنداعى وبلىستىق وقۋشىلار سارايىندا دا بولدى. مۇندا وبلىس اكىمىنە قوسىمشا ءبىلىم بەرۋدى دامىتۋ تۋرالى ايتىلدى. وقۋشىلار سارايىندا بالالار روبوتوتەحنيكامەن اينالىسادى، استرونوميا مەن تىلدەردى ۇيرەنەدى، ۆوكالدى جانە مۋزىكالىق اسپاپتاردا ويناۋدى، بەينە ستۋدياسىندا جۇمىس ىستەۋدى ۇيرەنەدى. بيىلعى جىلى مەكەمە ۇزدىك ءبىلىم بەرۋ ۇيىمدارىنىڭ ءبىرى رەتىندە 50 ميلليون تەڭگەگە سەرتيفيكات الدى.


سوڭعى جاڭالىقتار

دوللار باعاسى تاعى ارزاندادى

ەكونوميكا • بۇگىن، 11:30

كۇلشە قىز

تەاتر • بۇگىن، 09:25

گۇلدەردىڭ سىرىن ۇققان...

ونەر • بۇگىن، 09:24

قالدىقتى كادەگە جاراتتى

ايماقتار • بۇگىن، 09:22

اقىلى اۆتوجول كوبەيدى

قازاقستان • بۇگىن، 09:18

Digital تەڭسىزدىك

تەحنولوگيا • بۇگىن، 09:14

ەلىن سۇيگەن ەرەن ەر

تاريح • بۇگىن، 09:11

راسيمانىڭ ءاسۇيى

قوعام • بۇگىن، 09:07

الاكولگە پويىزبەن بارۋعا بولادى

ايماقتار • بۇگىن، 09:01

اسارلاتىپ التىنشى ءۇي سالدى

ايماقتار • بۇگىن، 09:00

1500 وتباسى باسپانالى بولادى

ايماقتار • بۇگىن، 08:58

ۇلى مۇرات ۇستىنى

پىكىر • بۇگىن، 08:54

ادامزاتقا قالتقىسىز قىزمەت

تانىم • بۇگىن، 08:42

شىناشاقتاي سپورتشى شىندىعى

سپورت • بۇگىن، 08:39

قانداستار ءوز ورتامىزعا ورالدى

قازاقستان • بۇگىن، 08:33

جاڭا جوبالاردى تانىستىردى

قازاقستان • بۇگىن، 08:27

كۇزدە – حالىق ساناعى

قازاقستان • بۇگىن، 07:58

ۇقساس جاڭالىقتار