"قوسىمشا COVAX Facility-مەن ۆاكتسينالار مەن يممۋنداۋ بويىنشا "جاھاندىق الياس" ارقىلى كەلىسسوزدەر جۇرگىزىلىپ جاتىر. سونداي-اق قىتايدىڭ "سينوۆاك" ۆاكتسيناسىن كلينيكالىق سىناقتان وتكىزۋ تۋرالى كەلىسسوزدەر جۇرگىزىلىپ جاتقانىمەن, بۇل ماسەلە ءالى پىسىقتالۋدا", دەيدى دەنساۋلىق ساقتاۋ ۆيتسە-ءمينيسترى مارات شورانوۆ.
پرەمەر-ءمينيستردىڭ ورىنباسارى ەرالى توعجانوۆ ەلىمىز ۆاكتسينانى ساتىپ الۋدىڭ بىردە-ءبىر نۇسقاسىن جوققا شىعارمايتىنىن جانە ول دايىن بولعان كۇندە ءتيىستى كلينيكالىق سىناقتاردان وتەتىنىن ءتۇسىندىرىپ ءوتتى.
"بۇدان وزگە, تىكەلەي ينۆەستيتسيالار قورىمەن كەلىسسوزدەر جۇرگىزىلۋدە. بارلىعى, ارينە, كلينيكالىق سىناقتاردىڭ ناتيجەسىنە بايلانىستى بولماق. ەڭ باستىسى, وتاندىق وندىرىسكە باسا نازار اۋدارۋىمىز قاجەت. وسىعان وراي, جامبىل وبلىسىنداعى قاۋىپسىزدىك ينستيتۋتىنىڭ ماماندارى كلينيكالىق سىناقتاردىڭ ءبىرىنشى كەزەڭىن باستاپ كەتتى. بۇگىندە ۆاكتسينالاردىڭ ەكى ءتۇرى بويىنشا ناقتى مۇمكىندىكتەر بار. بۇل ماسەلەگە ءبىلىم جانە عىلىم مينيسترلىگى جەتەكشىلىك ەتەدى", دەيدى ە.توعجانوۆ.
