جول ەرەجەسىنىڭ بۇزىلۋى ءجيى كەزدەسەدى. پوليتسيا قىزمەتكەرلەرى كولىك جۇرگىزۋشىلەردىڭ قاي ەرەجەنى ءجيى بۇزاتىندىعىن ساراپتاعان بولاتىن. سونىڭ ىشىندە جىلدامدىقتى ارتتىرۋ كوپ ورىن الادى. وسى سەبەپتى جول اپاتىنىڭ دا قاسىرەت اكەلىپ جاتاتىندىعى جاسىرىن ەمەس. سونداي-اق, كولىك جارىعىن قوسپاۋ دا وقىس وقيعالارعا سەبەپكەر. وبلىستىق جەرگىلىكتى پوليتسيا قىزمەتى باسقارماسىنىڭ باستىعى سەرىك بايمۇقانوۆتىڭ ايتۋىنا قاراعاندا, كولىك جارىعىن قوسپاعاندارعا قاتىستى 9 مىڭعا جۋىق قۇقىق بۇزۋشىلىق انىقتالعان. قاۋىپسىزدىك بەلدىگىن تاقپاۋدىڭ التى مىڭنان استام دەرەگى تىركەلگەن. ال, ىشىمدىك ءىشىپ, جولعا شىققان جۇرگىزۋشىلەردىڭ 53-ءى ءومىر بويى كولىك جۇرگىزۋ قۇقىعىنان ايىرىلىپ وتىر.
ءتارتىپتى وسىلايشا قاتاڭداتپاسا بولمايدى. ءاربىر وقىس وقيعا الدەنەشە ادامنىڭ عۇمىرى. اباي بولعانعا, جاۋاپكەرشىلىكتى ۇمىتپاعانعا نە جەتسىن.
