«قازاقستاندا 2020 جىلعى جەتى اي ارالىعىندا جالپى سوماسى 1,2 ملن تەڭگە قۇرايتىن 381 جالعان بانكنوتاسى انىقتالدى. سونىمەن قاتار اتالعان كەزەڭدە جالعان مونەتالاردى شىعارۋ فاكتىلەرى تىركەلمەدى», - دەپ مالىمدەدى قر ۇب قولما-قول اقشا اينالىمى دەپارتامەنتىنىڭ بانكنوتتاردى جانە مونەتالاردى ساراپتاۋ باسقارماسىنىڭ باستىعى اسحات ابىشەۆ.
ۇلتتىق بانكتىڭ وكىلى اتاپ وتكەندەي, جالعان اقشا بەلگىلەرىنىڭ سانى 2019 جىلدىڭ ۇقساس كەزەڭىمەن سالىستىرعاندا 46,9 % - عا تومەندەدى (وتكەن جىلعى كورسەتكىش - 718 بانكنوت جانە 6 مونەتا).
جالعان بانكنوتتاردىڭ باسىم بولىگى الماتى قالاسىندا انىقتالدى - 243 جالعان بانكنوتى (63,78%). بۇل رەتتە, كوبىنەسە قازاقستاندا 2020 جىلى نومينالى 2 مىڭ (41,47 %) جانە 5 مىڭ تەڭگەلىك (31,5%) بانكنوتالار قولدان جاسالعان.
قازاقستان ۇلتتىق بانكىنىڭ جالعان بانكنوتتارى مەن مونەتالارىن وتكىزۋ ماقساتىندا دايىنداۋ نەمەسە ساقتاۋ, مۇلكىن تاركىلەۋمەن نەمەسە ونسىز 5 جىلدان 12 جىلعا دەيىنگى مەرزىمگە باس بوستاندىعىنان ايىرىلۋىمەن جازالانادى.
