تۇمشانىڭ ەرەكشەلىگى سوندا, ونى تاققان ادام اۋرۋ جۇقتىرامىن دەپ قورىقپاستان تاماعىن دا ىشە بەرەدى دەيدى. ول قالاي دەگەن ساۋال تۋاتىنى راس قوي. ديزاينەرلەر تاپقىرلىعى سوندا, تۇمشانى جەلپۋىش ءتارىزدى ەتىپ جاساۋىندا. قاتتى قاعازدان جاسالعان تۇتقاعا بەكىتىلگەن, ءتورت بۇرىشتى ەتىپ كەرىلگەن قورعانىش قاباتى بار تۇمشامەن اۋىز بەن مۇرىندى قالقالاپ, تاماق ىشۋگە دە, اڭگىمەلەسۋگە دە بولادى, بۇل ادامداردىڭ قالىپتى تىرلىككە كوشۋىنە كومەگىن تيگىزەدى, دەپ ەسەپتەيدى ونى ويلاپ تابۋشىلار.
جوبا اۆتورى ماساكو ساساكي ء«بىز SARS-CoV-2تۋدىرعان قولايسىزدىقتى ازايتىپ, جاڭا بازالىق ەتيكەتتى كيوتودان باستاپ ورناتقىمىز كەلەدى», دەگەن ويىن ايتىپتى. الايدا بۇل تۇمشا ادامنىڭ قول قيمىلىن شەكتەپ, ىڭعايسىزدىق تۋدىرادى دەگەن پىكىردى ۇستانۋشىلار بار كورىنەدى.
جاڭا تۇمشانى 20 ادام تەستىلەۋدەن وتكىزگەندە قولدانۋشىلار وزدەرىن اۋرۋدان قورعانۋ تۇرعىسىنان جاقسى سەزىنگەنىن ايتىپتى.
