«سويۋز تما-18م» باسقارىلاتىن عارىشتىق كەمەسى بايقوڭىر عارىش ايلاعىنان ەلوردا ۋاقىتىمەن ساعات 22:37 مينۋت وتكەندە اتتاندى. حالىقارالىق ەكيپاج قۇرامىندا رەسەيلىك عارىشكەر, №1 بورتينجەنەرى سەرگەي ۆولكوۆ, دانيا كورولدىگىنىڭ استروناۆتى اندرەاس موگەنسەن جانە №2 بورتينجەنەرى قازعارىش عارىشكەرى ايدىن ايىمبەتوۆ بولدى.
قازاقستاندىق عارىشكەردىڭ مارتەبەسى قازعارىش ۇسىنىسىنىڭ ارقاسىندا وزگەرتكەندىلىگىن ايتا كەتكەن ءجون. سەبەبى الدىمەن ايىمبەتوۆ اشىق كەڭىستىككە قاتىسۋشى رەتىندە ۇشادى دەپ جوسپارلانعان ەدى, الايدا ۇشاتىن ۋاقىت تاياعاندا ونىڭ مارتەبەسى بىلىكتىلىگىنە سايكەس, «بورتينجەنەر-2» دەپ وزگەرتىلدى.
10 كۇنگە سوزىلعان ساپاردا ايدىن ايىمبەتوۆ عارىشتاعى 5-ءشى ۇلتتىق عىلىمي زەرتتەۋ باعدارلاماسىن ورىندادى. العاشقى 4 باعدارلاما 1991 جىلى توقتار اۋباكىروۆتىڭ جانە 1994, 1998, 2001 جىلدارى تالعات مۇساباەۆتىڭ عارىشتىق ساپارلارىندا اتقارىلعان ەدى.
جالپى عارىشتىق زەرتتەۋ باعدارلاماسى 10 عىلىمي تاپسىرمادان قۇرىلعان, ونىڭ ىشىندە ارال جانە كاسپي تەڭىزدەرىنىڭ ەكولوگيالىق جاعدايىنا مونيتورينگ جۇرگىزۋ جانە «داستارحان-6» دەپ اتالعان ۇلتتىق تاعام ونىمدەرىنىڭ عارىشتاعى پايدالى قاسيەتتەرىن زەرتتەۋ بولدى.
قازىرگى ۋاقىتتا قر ۇشقىش-عارىشكەرى, قر حالىق قاھارمانى ايدىن ايىمبەتوۆ «قازاقستان عارىش ساپارى» ۇك» اق ۆيتسە-پرەزيدەنتى.
