"قالا باسشىلىعىنىڭ تاپسىرماسىنا سايكەس, الماتىدا ءبىراز اۋقىمدى جۇمىستار اتقارىلدى. ونىڭ ىشىندەگى نەگىزگىسى – قىس مەزگىلىنە دايىندىق. جىلۋ ماۋسىمىنا دايىندىق اياسىندا قازىرگى تاڭدا جوندەۋ, قۇرىلىس, جاڭارتۋ جۇمىستارى جۇرگىزىلدى. قالاداعى ەنەرگوكەشەننىڭ دايىندىعى – 88%, جىلۋ جەلىلەرىنىڭ دايىندىعى – 85%. جەلىلەردى قىسقا دايىنداۋ بارىسىندا ءبىز ول جەلىلەردى الدىمەن سىناپ كورەمىز. وسى تەكسەرىس بارىسىندا ماۋسىم ايىنان باستاپ 353 اقاۋ تابىلدى. ونىڭ ءبارى قايتا قالپىنا كەلتىرىلدى. ال, تامىز-قىركۇيەك ايلارىنىڭ قوسىمشا سىناۋ جۇمىستارى بارىسىندا 270 اقاۋ تابىلىپ, ونىڭ 260-ى قايتا قالپىنا كەلتىرىلدى", - دەدى ول.
باسقارما باسشىسىنىڭ ايتۋىنشا, قالاداعى گاز, سۋ,ەلەكتر جەلىلەرىنىڭ دايىندىعى ويداعىداي.
"گاز جەلىلەرى 100%-عا, ەلەكتر جەلىلەرى – 82%-عا, سۋ بەرۋ جەلىلەرى – 99%-عا, كارىس جۇيەسى – 94%-عا دايىن. سونىمەن قاتار, قالامىزداعى ەكى قازاندىق - "الماتى ەلەكتر ستانتسيالارى" اق - 72%-عا, "الماتى. تەپلوكوممۋن ەنەرگو" اق بويىنشا دايىندىق كولەمى 76%-عا دايىن تۇر. ال, قالا بويىنشا 444 ءبىلىم باسقارماسى مەكەمەسى بار, ولاردىڭ قىس مەرزىمىنە دايىندىق كولەمى 97%, سونداي-اق, دەنساۋلىق ساقتاۋ سالاسىنداعى مەكەمەلەر سانى 135, بۇلاردىڭ دايىندىعى 82%. كوپقاباتتى ۇيلەردىڭ دايىندىعى 92%. بۇل بۇگىنگى قىركۇيەكتىڭ باسىنداعى بەكىتىلگەن فاكتىلەر", - دەدى ماساباەۆ.
