"پارلامەنتتىڭ كەزەكتى سەسسياسىنىڭ جۇمىسى كۇردەلى كەزەڭدە باستالدى. ەلىمىزدە جەر جاھانعا زور قاۋىپ توندىرگەن پاندەمياعا قارسى كۇرەس ءالى دە جالعاسۋدا. ءبىز ازاماتتاردىڭ ءومىرىن جانە دەنساۋلىعىن ساقتاپ قالۋ ءۇشىن بار كۇش-جىگەرىمىزدى بىرىكتىردىك. وسىنداي سىن ساعاتتا ىنتىماعى جاراسقان حالقىمىز جۇدىرىقتاي جۇمىلدى. ىندەتپەن كۇرەس دانا حالقىمىزعا ءتان اسىل قاسيەتتەرىمىزدىڭ ارقاسىندا جۇزەگە استى. وزگەگە قول ۇشىن سوزىپ, تىلەۋلەس بولۋ, توسىننان كەلگەن كەسەلگە قارسى تۇرۋ ماڭىزدى ەكەنى انىق بايقالدى. دارىگەرلەرگە, قۇقىق قورعاۋ ورىندارىنىڭ قىزمەتكەرلەرىنە, اسكەري قىزمەتكەرلەرگە, ەرىكتىلەرگە, كاسىپكەرلەرگە جانە وسىنداي شاقتا بەي-جاي قالماعان بارشا ازاماتتارعا شىن جۇرەكتەن العىس ايتامىن", - دەدى پرەزيدەنت.
