29 قازان, 2013

قازاق ءانىنىڭ پاديشاسى

424 رەت
كورسەتىلدى
5 مين
وقۋ ءۇشىن

«قازاقستان» ورتالىق كونتسەرت زالىندا ءشامشى قالداياقوۆ اتىنداعى «مەنىڭ قازاقستانىم» حالىقارالىق ءان فەستيۆالىنە قاتىسۋشىلاردىڭ گالا-كونتسەرتى ءوتتى.

ۇلى سازگەردىڭ جۇرەك قىلىن تەربەي­­­تىن باعا جەتپەس اندەرىن تىڭداۋعا اعا بۋىن وكىلدەرى عانا ەمەس, جاستار دا كوپ جيىل­دى.

«قازاقستان» ورتالىق كونتسەرت زالىندا ءشامشى قالداياقوۆ اتىنداعى «مەنىڭ قازاقستانىم» حالىقارالىق ءان فەستيۆالىنە قاتىسۋشىلاردىڭ گالا-كونتسەرتى ءوتتى.

ۇلى سازگەردىڭ جۇرەك قىلىن تەربەي­­­تىن باعا جەتپەس اندەرىن تىڭداۋعا اعا بۋىن وكىلدەرى عانا ەمەس, جاستار دا كوپ جيىل­دى.كەش شىمىلدىعى ەرلان باق­­تىگەرەەۆ ديريجەرلىك ەتكەن استانا مەم­لەكەتتىك فيلارمونياسى وركەسترىنىڭ ورىن­داۋىنداعى ءشام­شى قالداياقوۆ ءان­دە­­رىنەن قۇرالعان پوپۋريمەن جانە «شول­پان» بي ءانسامبلىنىڭ بيىمەن اشىلدى.

كورنەكتى كومپوزيتوردىڭ 300-دەن اسا اندەرى بولسا, سونىڭ بارلىعى حالىق جۇرەگىنەن ءوز ورنىن تاپقان. بۇگىن­دە ەشبىر توي, ەشبىر مەيرام ءشام­شى اعانىڭ اندەرىنسىز وتپەيدى. كومپو­زيتوردى بىلمەيتىن, ونىڭ اندەرىن ءسۇيىپ تىڭ­دامايتىن قازاق جوق تا شىعار. گالا-كونتسەرتتە العاش بولىپ م. شاحا­نوۆ­تىڭ سوزىنە جازىلعان «اق بان­تيك» ءانىن رومان كيم, ال «ءومىر-وزەن» ءانىن «ح فاكتور» بايقاۋىنىڭ فينا­ليسى اي­­نۇر ەشمانوۆا شىرقادى. ءشام­شى اعا­نىڭ جان جارى ءجاميلا اپايعا ارنا­عان اتاقتى «بارىنەن دە سەن سۇلۋ» ءانىن جاس ءانشى ماريا گاليتسكايا گيتارامەن سۇيە­مەلدەپ, ناقىشىنا كەلتىرە ورىنداپ, حالىقتىڭ قوشەمەتىنە بولەن­دى. حا­لىق­ارالىق بايقاۋلاردىڭ لاۋرەات­تارى سال­تانات بايجۇمانوۆا مەن مالىك ازات «شى­­نارىمدى», ال «ني­زام» كۆار­تەتى «اق ماڭدايلىم» ءانىن شىرقا­دى. جاس بو­ل­­سا دا حالىقتىڭ ىستىق ىقىلا­­سىنا ءبو­­لە­­نىپ, ەلىمىزدىڭ نامىسىن حالىق­ارا­لىق فەستيۆالدەردە قورعاپ ءجۇر­گەن دي­ماش قۇدايبەرگەن «اق ەركە – اقجا­يىق» ءانىن جۇرتشىلىققا تارتۋ ەتتى. جي­نال­عان قاۋىم اتاقتى «مويىنقۇمدا» ءانىن «ايۋمي» توبىنىڭ ورىنداۋىندا تىڭ­دادى.

اتالمىش فەستيۆالدە 2010 جىلى ءى-ورىندى يەلەنگەن جاس ءانشى سەرجان جاناحمەتوۆ ءشامشى اعانىڭ ۇلى ابىلقاسىم 1,5 جاسقا تولعاندا ءجاميلا اپامىزعا ارناعان «باقىت قۇشاعىندا» ءانىن ورىندادى. ال, بيىلعى باس جۇلدە يەگەرى – نۇربولات ابدۋلين «تەرىسكەي» ءانىن شىرقادى. ول ءوزىن كاسىبي ءبىلىمى بار, تاجىريبەسى مول ءانشى رەتىندە تانىتتى. وركەسترگە ءشامشى قالداياقوۆتىڭ ۇلى, اباي اتىنداعى وپەرا جانە بالەت تەاترىنىڭ ديريجەرى مۇحتار قالداياقوۆ ديريجەرلىك ەتتى.

نۇربولات ابدۋلين, باس جۇلدە يەگەرى:

– جالپى, بايقاۋ كۇندەرى تولعانىستى ساتتەرگە تولى بولدى. وسىعان دەيىن ە. حاسانعاليەۆ اتىنداعى «اتامەكەن» حالىق­­ارالىق كونكۋرسىنا قاتىسىپ, ديپلومانت اتانعان ەدىم. بىراق, مەن ءۇشىن بۇل بايقاۋدىڭ ورنى بولەك. بولاشاقتا ءشامشى قالداياقوۆتىڭ تىڭ تۋىندىلارى جارىققا شىعا بەرسە دەپ تىلەيمىن.

سەرجان جاناحمەتوۆ, وزبەك­ستاننىڭ جاس ءانشىسى:

– ءوزىم وزبەكستاننىڭ ازاماتى بولسام دا, ۇلتىم – قازاق. بۇل بايقاۋعا 2010 جىلى قاتىسىپ, ءى-ورىندى يەلەنگەن بولاتىنمىن. بيىلعى گالا-كونتسەرتكە ارنايى شاقىرىلدىم. ءوزىم قا­زاقستانعا ءجيى كەلىپ تۇرامىن. ءار كەلگەنىمدە قازاقستاننىڭ وركەندەپ, استانا قالاسىنىڭ كۇن سايىن ءوسىپ كەلە جاتقانىن كورىپ شاتتىققا كەنەلەمىن. اتا-بابالارىم قازاقستاندا تۋعان, وسى كەڭ دالادا وسكەن. سوندىقتان, مەن ءۇشىن قازاقستان ارقاشان ىستىق.

ءجاميلا قالداياقوۆا, ءشامشى قالدايا­قوۆتىڭ جۇبايى:

– سازگەرلەر مەن انشىلەر ءۇشىن 1992 جىلدان بەرى ءداستۇرلى تۇردە وتەتىن ءشامشى قالداياقوۆ اتىنداعى بايقاۋعا بيىل جيىر­ما ەكى جىل تولىپ وتىر. ال, «مەنىڭ قازاقستانىم» فەستيۆالى, مىنە, بيىل ءتورتىنشى مارتە ۇيىم­­­داستىرىلىپ وتىر. مادەنيەت مينيسترلىگىنە ايتار العىسىم زور. سەبەبى, جىل سايىن ساحنا كەڭەيىپ, اسەم ارلەنىپ, بايقاۋ دەڭگەيى جىلدان جىلعا ءوسىپ, جاقسارا تۇسۋدە. بۇگىنگى تولقىن جاستار ساحنادا اندەردى جاڭاشا تۇردە ورىنداسا دا, كەيبىر ورىنداۋشىلار سەكىلدى بوس ايقاي مەن ساحنادا ورىنسىز قىلىقتارعا بوي الدىرىپ جاتقان جوق. سوناۋ 60-ىنشى جىلداردىڭ جاستارى سىندى سىپايى, يبالى, كىشىپەيىل, ياعني كومپوزيتوردىڭ جان دۇنيەسىن ءتۇسىنىپ, ونى حالىققا جەتكىزە الدى.

ۇلتىمىزدىڭ ۇلى كومپوزيتو­رىنىڭ ونەگەلى ءومىرى مەن ونەرىن تۋ ەتكەن, ءان پاديشاسى – ءشامشى قالداياقوۆتىڭ قۇرمەتىنە ارنالعان بۇل ءداستۇرلى فەستيۆال وسىلايشا جىل سايىن تالاي جاس تالانتتارعا ۇلكەن ساحناعا جول اشىپ, سازگەردىڭ اسەم اندەرىن ناسيحاتتاۋدا زور ۇلەس قوسىپ كەلەدى.

نۇرزادا كۇمىسبەك,

ەۋرازيا ۇلتتىق ۋنيۆەرسيتەتىنىڭ ستۋدەنتى.

استانا.

سوڭعى جاڭالىقتار

ەرتىس وزەنىندە سەڭ قوزعالدى

تابيعات • بۇگىن, 09:45